ថ្ងៃនេះ… ដោះលែងលោក អ៊ុំ សំអាន មានសេរីភាពវិញ
- ភ្នំពេញ
រាជធានីភ្នំពេញ ៖ ព្រះមហាក្សត្រនៃព្រះករុណាព្រះបាទ សម្តេចបរមនាថ នរោត្តម សីហមុនី កាលពីថ្ងៃទី២៥ សីហា នេះ បានត្រាស់បង្គាប់លើកលែងទោសដល់អតីតតំណាងរាស្ត្រគណបក្សសង្គ្រោះជាតិ…
រាជធានីភ្នំពេញ ៖ ព្រះមហាក្សត្រនៃព្រះករុណាព្រះបាទ សម្តេចបរមនាថ នរោត្តម សីហមុនី កាលពីថ្ងៃទី២៥ សីហា នេះ បានត្រាស់បង្គាប់លើកលែងទោសដល់អតីតតំណាងរាស្ត្រគណបក្សសង្គ្រោះជាតិ លោក អ៊ុំ
សំអាន ដែលកំពុងជាប់ឃុំក្នុងពន្ធនាគារព្រៃ.ស តាមសំណើរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជណាចក្រកម្ពុជាកម្ពុជា ។
លោក អ៊ុំ សំអាន មានអាយុ៤០ឆ្នាំ ត្រូវបានសមត្ថកិច្ចចាប់ខ្លួន កាលពីយប់ថ្ងៃទី១០ ខែមេសា ឆ្នាំ២០១៦ បន្ទាប់ពីលោកត្រឡប់មកសហរដ្ឋអាមេរិក តាមជើងយន្តហោះអន្តរជាតិខេត្តសៀមរាប ។
លោក អ៊ុំ សំអាន ត្រូវបានសាលាដំបូងរាជធានីភ្នំពេញ ចេញដីកាចុះថ្ងៃទី០៩ ខែកុម្ភៈ ឆ្នាំ២០១៨ (លេខ៥៤) សម្រេចផ្តន្ទាទោស ដាក់ពន្ធនាគាររយៈពេល២ឆ្នាំ៦ខែ និងពិន័យជាប្រាក់ចំនួន៤លានរៀល ក្រោមការចោទប្រកាន់ចំនួន ពីរបទល្មើស គឺបទញុះញង់ឲ្យប្រព្រឹត្តបទឧក្រិដ្ឋជាអាទិ៍ បង្កភាពវឹកវរធ្ងន់ធ្ងរដល់សន្តិសុខសង្គម និងបទញុះញង់ឱ្យមានការរើសអើង.តាមមាត្រា៤៩៥ និង ៤៩៦ នៃក្រមព្រហ្មទណ្ឌ ដែលប្រព្រឹត្តនៅរាជធានីភ្នំពេញ នៃ ព្រះរាជាណាចក្រកម្ពុជា អំឡុងឆ្នាំ២០១៥ រហូតដល់ថ្ងៃទី១០ ខែមេសា ឆ្នាំ២០១៦ តាមរយៈការសរសេរ និងធ្វើអត្ថាធិប្បាយ ចោទប្រកាន់រាជរដ្ឋាភិបាលពាក់ព័ន្ធផែនទីសន្ធិសញ្ញាព្រំដែនកម្ពុជាវៀតណាម ។
នៅថ្ងៃទី២៥ សីហា ២០១៨ នេះ លោក រៀល សុភិន ព្រះរាជអាជ្ញារងនៃអយ្យការអមសាលាដំបូងរាជ
ធានីភ្នំពេញ បានចេញដីកាបង្គាប់ទៅប្រធានពន្ធនាគារឱ្យធ្វើការដោះលែង លោក អ៊ុំ សំអាន ឲ្យមានសេរីភាពវិញ ។
ចែករំលែកព័តមាននេះ