ខេត្តសៀមរាប ៖ មេបញ្ជាការតំបន់ប្រតិបតិ្តការសិកសៀមរាបលោកឧត្តមសេនីយ៍ទោ ឃឹម ប៊ុនសុង នឹងឡើងកាន់យកតំណែងជាអភិបាលខេត្តសៀមរាប នាពេលឆាប់ៗនេះជំនួសលោកស៊ូ ភិរិន្ទ ដែលត្រូវចូលនិវត្ត។
ការប្រកាសចូលកាន់តំណែងជាផ្លូវការនឹងត្រូវធ្វើឡើងនៅថ្ងៃទី២៩ មេសា ២០១៣ ខាងមុខនេះ ក្រោមអធិបតីភាពលោកឧបនាយរដ្ឋមន្រ្តី ទៀ បាញ់ រដ្ឋមន្រ្តីក្រសួងការពារជាតិ នេះបើតាមការប្រាប់ដោយផ្ទាល់របស់លោកឧត្តមសេនីយ៍ ឃឹម ប៊ុនសុង ថ្ងៃទី២៦ នេះ។ លោកបានបន្ថែមថា តំណែងជាមេបញ្ជាការយោធាខេត្តបច្ចុប្បន្នរបស់លោកនឹងត្រូវជំនួសដោយលោកវរសេនីយ៍ឯក គង់ ស៊ី ដែលជាមេបញ្ជាការរង និងសេនាធិការតំបន់ប្រតិបត្តិការខេត្ត។
អ្នកនាំពាក្យក្រសួងមហាផ្ទៃ លោកឧត្តមសេនីយ៍ខៀវ សុភក្តិ បានមានប្រសាសន៍ប្រាប់តាមទូរស័ព្ទថា ជុំវិញការបរិច្ឆេតនៃការប្រកាសចូលកាន់តំណែងជាអភិបាលខេត្តថ្មីជំនួសលោកស៊ូ ភិរិន្ទ នេះលោកនៅមិនទាន់ទទួលបានលិខិតស្នាមជាក់លាក់នៅឡើយទេ ៕
ចែករំលែកព័តមាននេះ