ខេត្តកំពង់ចាម ៖ តាមសេចក្តីរាយការណ៍បានឱ្យដឹងថា កាលពីវេលាម៉ោង១និង៣០នាទីរសៀលមានករណីអគ្គីភ័យមួយបានកើតឡើងលើផ្ទះ២ខ្នង ស្មើ២ម្ចាស់ ដែលផ្ទះធ្វើអំពីឈើប្រក់ក្បឿង ដែលហេតុការណ៍នេះបានកើតឡើងនៅភូមិថ្មគោល ឃុំរអាង ស្រុកកំពង់សៀម ។
តាមប្រភពពីមន្ត្រីប៉ុស្តិ៍រដ្ឋបាលឃុំរអាងបានឱ្យដឹងថា អគ្គីភ័យនេះដំបូងឡើយបានកើតឡើងចេញពីផ្ទះទី១ដែលមានម្ចាស់ឈ្មោះ ឃៀង ពុងឡាយ ភេទស្រី អាយុ៣៥ឆ្នាំ រួចក៏បានរាលដាលទៅផ្ទះទី២តែម្តង ដោយក្នុងហេតុការណ៍អគ្គីភ័យនេះនៅមិនទាន់ដឹងពីទំហំនៃការខូចខាតផ្សេងៗនោះទេ គ្រាន់តែដឹងថា ផ្ទះ២ខ្នងត្រូវអគ្គីភ័យលេបត្របាក់អស់ទាំងស្រុងដែលសង្ស័យថា កើតឡើងដោយសារទុស្សេខ្សែភ្លើង ។
តាមប្រភពបានឱ្យដឹងថា ខណៈពេលកើតហេតុលោក គួច ចំរើន អភិបាលខេត្តកំពង់ចាម និងលោកឧត្តមសេនីយ៍ទោ ឯម កុសល ស្នងការនគរបាលខេត្តបានដឹកនាំកម្លាំងបញ្ជាឱ្យរថយន្តពន្លត់អគ្គីភ័យ៤គ្រឿងចេញប្រតិបត្តិការណ៍ពន្លត់អគ្គីភ័យឆាបឆេះនេះបានរលត់ជាស្ថាពរផងដែរ ៕
ចែករំលែកព័តមាននេះ