រាជធានីភ្នំពេញ ៖ កម្លាំងសមត្ថកិច្ចនាយកដ្ឋានប្រឆាំបទល្មើសសេដ្ឋកិច្ចក្រសួងមហាផ្ទៃកាលពីព្រឹកថ្ងៃទី២៥ សីហា បានចុះបង្ក្រាបទីតាំងលួចផលិតវេចខ្ចប់ សាប៊ូ និងគ្រឿងសម្អាងក្លែងក្លាយ ចំនួន២២មុខ ប្រមាណជិត៥តោន នៅភូមិជ្រៃកោង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
ការបង្ក្រាបនោះដោយមានការដឹកកម្លាំងដោយឧត្ដមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំបទល្មើសសេដ្ឋកិច្ច ក្រោមការសហការជាមួយមន្ដ្រីក្រសួងសុខាភិបាល ក្រសួងឧស្សាហ៍កម្ម និង អាជ្ញាធមូលដ្ឋាន ដែលមានការសម្របសម្រួលពីសំណាក់លោក ស្រី ម៉ាក់នី ព្រះរាជអាជ្ញារងអមសាលាដំបូងរាជធានីភ្នំពេញ ។
លោកឧត្តមសេនីយ៍ ចាន់ វ៉ាន់ធឿន បានបង្ហើបឲ្យដឹងថា ទីតាំងលួចលាក់កែច្នៃ វេចខ្ចប់ និង ផលិតសាប៊ូ និងគ្រឿងសម្អាងខាងលើនេះត្រូវបានហាមឃាត់រឹបអូសវត្ថុតាងរក្សាទុកដើម្បីចាំធ្វើការដុតបំផ្លាញចោល និងអាចបិទទីតាំងនោះជាបណ្តោះអាសន្នរង់ចាំការសម្រចរបស់តុលាការ ៕
ចែករំលែកព័តមាននេះ