ប្រទេសជប៉ុន ៖ ព្យុះទីហ្វុង CIMARON នាថ្ងៃទី២៤ សីហា បោកបក់លើភាគខាងលិចជប៉ុន បណ្ដាលឲ្យមានភ្លៀងធ្លាក់យ៉ាងខ្លាំង មុនពេលវាចាកចេញទៅសមុទ្រវិញ ហើយតម្រង់ឆ្ពោះទៅកាន់កោះហុកកៃដូភាគខាងជើងប្រទេស ។
ទូរទស្សន៍ NHK ជប៉ុនរាយការណ៍ថា និស្សិត៣នាក់ត្រូវរលកធំនាំយកទៅបាត់ ពេលបោកច្រាំងនៅកន្លែងកម្សាន្តមាត់សមុទ្រសីុហ្សូអូកាកោះហុនស៊ូ ។ ស្បែកជើង ថង់ស្ពាយ និងទូរស័ព្ទពួកគេត្រូវបានរកឃើញនៅមាត់សមុទ្រ ។
ទោះបីមានការយឺតយ៉ាវក្នុងការដឹកជញ្ចូន ព្រមទាំងការខូចខាតមួយចំនួន តំបន់នោះហាក់ដូចជារួចផុតពីការបំផ្លិចបំផ្លាញនិងការបាត់បង់ធ្ងន់ធ្ងរដូចកាលពីទឹកជំនន់នៅទីនោះកាលពីដើមខែកក្កដា ។
យោងតាមផ្នែកឧតុនិយមថា ព្យុះនេះស្ថិតនៅចម្ងាយប្រមាណជា២១០គីឡូម៉ែត្រភាគពាយ័ព្យក្រុងវ៉ាហ្សីុម៉ាតំបន់អីុសីុកាវ៉ានាវេលាម៉ោង៩ព្រឹក ៕
ចែករំលែកព័តមាននេះ