វាយប្រហារដោយកាំបិតជិតក្រុងប៉ារីស
ប្រទេសបារាំង ៖ អាជ្ញាធរមូលដ្ឋាននិយាយថា មនុស្ស២នាក់ស្លាប់ហើយម្នាក់ទៀតរងរបួសធ្ងន់នាឱកាសនៃការវាយប្រហារដោយកាំបិត កាលពីថ្ងៃទី២៣ សីហា នៅទីក្រុង TRAPPES ខេត្តYVELINES ក្បែរក្រុងប៉ារីស…
ប្រទេសបារាំង ៖ អាជ្ញាធរមូលដ្ឋាននិយាយថា មនុស្ស២នាក់ស្លាប់ហើយម្នាក់ទៀតរងរបួសធ្ងន់នាឱកាសនៃការវាយប្រហារដោយកាំបិត កាលពីថ្ងៃទី២៣ សីហា នៅទីក្រុង TRAPPES ខេត្តYVELINES ក្បែរក្រុងប៉ារីស ។
អ្នកទទួលខុសត្រូវម្នាក់នៃខេត្ត YVELINES លោក JEAN JACQUES BROT គូសបញ្ជាក់ថា ជននោះត្រូវប៉ូលិសបាញ់សម្លាប់ ពេលរូបគេប៉ុនប៉ងចាកចេញពីកន្លែងលាក់ខ្លួន ក្រោយការវាយប្រហារ ។
គេបានស្រែកពាក្យថា ALLAHOU AKBAR ព្រះអាល់ឡាហ៍ជាធំពេលវាយប្រហារ ។ រូបគេកាលពីមុនធ្លាប់ត្រូវកាត់ទោសពីបទទាក់ទិនភេរវកម្ម ។
យោងតាមទូរទស្សន៍ BFMTV ថាជនរងគ្រោះដោយការវាយប្រហារគឺម្ដាយ និងប្អូនស្រីរបស់គេ ហើយទោះជននេះមានប្រវត្តិរ៉ាឌីកាល់និយម តែទំនាស់គ្រូសារហាក់ដូចជាមូលហេតុនៃសោកនាដកម្មនោះ ៕
ចែករំលែកព័តមាននេះ