ប្រទេសអូស្ត្រាលី ៖ នាយករដ្ឋមន្ត្រីអូស្ត្រាលីលោក MALCOLM TURNBULL ដែលកាន់តំណែងនោះពីខែកញ្ញា ឆ្នាំ២០១៥ មក ទើបតែខ្ទាតចេញពីតំណែងរបៀបគ្នាដែលលោកធ្លាប់បានធ្វើដើម្បីផ្ដួលរំលំអ្នកកាន់អំណាចមុន លោក TONY ABBOTT ។
ខណៈដែលគណបក្សសេរីនិយមហាក់ដូចជាចាញ់ប្រៀបគណបក្សការងារក្នុងការស្ទាបស្ទង់មតិនានា ទើបអតីតរដ្ឋមន្ត្រីមហាផ្ទៃលោក PETER DUTTON នាំឲ្យមានចលនាកម្ចាត់លោកMALCOLM TURNBULL ក្នុងផ្ទៃគណបក្ស ។ ក្រោយបក្សប្រហារ រដ្ឋមន្ត្រីហិរញ្ញវត្ថុលោកSCOTT MORRISON ក្លាយជានាយករដ្ឋមន្ត្រីទី៧របស់អូស្ត្រាលី រយៈពេលត្រឹមតែ១១ឆ្នាំ ។
ការបោះឆ្នោតផ្ទៃក្នុងជ្រើសតាំងរូបលោកដោយ៤៥សំឡេងគាំទ្រ ទល់នឹង៤០សំឡេងសម្រាប់លោក PETER DUTTON ដែលទទួលស្គាល់បរាជ័យរបស់លោក ។ ក្រោយការបោះឆ្នោតលោកអះអាងថា ជំហររបស់ខ្ញុំពេលនេះគឺសម្ដែងភាពស្មោះត្រង់ដាច់ខាតចំពោះលោក SCOTT MORRISON ។
លោក MALCOLM TURNBULLបានសម្រេចដកខ្លួនថយចេញពីនយោបាយ ។ ចំណែកអតីតនាយករដ្ឋមន្ត្រីលោក TONY ABBOTT ដែលតាមមើលទៅជាអ្នកនាំអាទិ៍ឲ្យមានបក្សប្រហារយល់ថា ពេលនេះជាពេលចាំបាច់ដើម្បីជួយសង្គ្រោះរដ្ឋាភិបាល ខណៈសល់ពេលមិនដល់១ឆ្នាំទៀតផងដល់ការបោះឆ្នោតសភា ៕
ចែករំលែកព័តមាននេះ