ខេត្តបាត់ដំបង៖ យ៉ាងហោចណាស់មនុស្សប្រុសស្រីចំនួន៤នាក់ ត្រូវបានកម្លាំងកងរាជអាវុធហត្ថ ឃាត់ខ្លួន ដែលសង្ស័យមានជាប់ពាក់ព័ន្ធនឹងការជួញដូរគ្រឿងញៀន កាលពីវេលាម៉ោង២ និង៣០នាទី រសៀល ថ្ងៃទី២៤ សីហានេះ…
ខេត្តបាត់ដំបង៖ យ៉ាងហោចណាស់មនុស្សប្រុសស្រីចំនួន៤នាក់ ត្រូវបានកម្លាំងកងរាជអាវុធហត្ថ ឃាត់ខ្លួន ដែលសង្ស័យមានជាប់ពាក់ព័ន្ធនឹងការជួញដូរគ្រឿងញៀន កាលពីវេលាម៉ោង២ និង៣០នាទី រសៀល ថ្ងៃទី២៤ សីហានេះ ខណៈដែលពួកគេកំពុងធ្វើសកម្មភាពនៅចំណុចភូមិទួលជ្រៃ ឃុំសំពៅលូន ស្រុកសំពៅលូន។
ជនសង្ស័យ៣នាក់មាន ១.ឈ្មោះ ឆាំ រំដួល ភេទស្រី អាយុ២១ឆ្នាំ មានមុខរបមិនពិតប្រាកដ រស់នៅក្នុងភូមិឃុំកើតហេតុខាងលើ ២.ឈ្មោះ ផូន សុគន្ធ ភេទប្រុស អាយុ២៤ឆ្នាំ មានមុខរបរធ្វើចម្ការ រស់នៅភូមិកូនភ្នំខាងជើង ឃុំតាស្តា ស្រុកសំពៅលូន និង៣.ឈ្មោះ រ៉េត ឆៃវុធ ភេទប្រុស អាយុ១៥ឆ្នាំ មានមុខរបធ្វើចម្ការ រស់នៅភូមិអូរចំណិប ឃុំតាស្តា ស្រុកសំពៅលូន។
ជនទាំង៣នាក់នេះត្រូវកម្លាំងកងរាជអាវុធហត្ថស្រុកសំពៅលូន ឃាត់ខ្លួន នៅពេលពួកគេកំពុងប្រព្រឹត្ត បទល្មើសជាក់ស្ដែង ហើយថែមទាំងដកហូតបាននូវវត្ថុតាងមួយចំនួនផង។ នៅក្នុងរបាយការណ៍របស់ កងរាជអាវុធហត្ថបានឲ្យដឹងថា វត្ថុតាងដែលដកហូតបានពីក្រុមជនសង្ស័យរួមមាន ថ្នាំញៀនមេតំហ្វេតាមីន ប្រភេទម្សៅក្រាមពណ៌សថ្លាICE (ទឹកកក) ចំនួន០២កញ្ចប់ធំ និង១២កញ្ចប់តូច ដែលមានទម្ងន់សរុប៣,៩៤ក្រាម និងជញ្ជីងសម្រាប់ថ្លឹងថ្នាំញៀនចំនួន០១។
មន្ត្រីជំនាញបានបញ្ជាក់ថា បន្ទាប់ពីត្រូវឃាត់ខ្លួន និងធ្វើការសួរនាំជាបឋមដំបូងនេះ ក្រុមជួញដូរថ្នាំញៀនទាំងប្រុសទាំងស្រីនេះ បានសារភាពទទូលស្គាល់នូវវត្ថុតាងដែលដកហូតបានទាំងនោះហើយ។ ក្រោយពេលឃាត់ខ្លួន មន្ត្រីជំនាញបានសួរនាំបន្ត ដើម្បីកសាងសំណុំរឿងបញ្ជូនទៅតុលាការហើយ៕
ចែករំលែកព័តមាននេះ