ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់យកកូនប្រុសទើបនឹងកើតបាន២២ថ្ងៃទៅលក់ក្នុងតម្លៃ២៣០០០ដុល្លារ។ ក្រោយពីលក់បានលុយហើយ ក៏ត្រូវជាប់ខ្នោះ។ បុរសជាឪពុកអាយុ៤៤ឆ្នាំ ត្រកូល…
ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់យកកូនប្រុសទើបនឹងកើតបាន២២ថ្ងៃទៅលក់ក្នុងតម្លៃ២៣០០០ដុល្លារ។ ក្រោយពីលក់បានលុយហើយ ក៏ត្រូវជាប់ខ្នោះ។
បុរសជាឪពុកអាយុ៤៤ឆ្នាំ ត្រកូល Zheng រស់នៅក្នុងខេត្ត Fujian ត្រូវបានចាប់ខ្លួន ក្រោយលក់កូនប្រុសក្នុងតម្លៃ ២៣០០០ដុល្លារ។ លុយនេះមិនបានដល់ដៃរបស់គេទាំងអស់នោះទេ។ គេត្រូវចែកឲ្យបងប្អូនសាច់ញាតិ ៣៦៧០ដុល្លារ និង ឈ្មួញកណ្តាល ៥៨៩០ដុល្លារ។
ថ្ងៃទី៤ គឺជាថ្ងៃដែលរូបគេបានទាក់ទងទៅកាន់អ្នកទិញ ហើយក៏ធ្វើការដោះដូរគ្នាបានសម្រេច។ នៅថ្ងៃបន្ទាប់ ទាំងសាមីឪពុកក្មេង ទាំងបងប្អូន និងទាំងឈ្មួញកណ្តាល បានជួបជុំគ្នាទទួលទានអាហារពេលល្ងាចនៅក្នុងហាង ដើម្បីធ្វើការចែកលុយ។ ភ្លាមនោះប៉ូលិសក៏មកដល់ ហើយក៏វាយខ្នោះទៅប៉ុស្តិ៍ទាំងអស់គ្នាបានតែម្តង។
ប៉ូលិសដឹងពីព័ត៌មាននេះ ដោយសារតែឃើញការបង្ហោះរកអ្នកទិញក្មេងឈ្មួញកណ្តាល និងសាច់ញាតិរបស់បុរសជាឪពុក។ នៅពេលប៉ូលិសធ្វើការសាកសួរ បុរសឈ្មោះ Zheng បាននិយាយថា ខ្លួនធ្វើបែបនេះ ដោយសារតែគ្មានលទ្ធភាពចិញ្ចឹមកូនម្តង៣នាក់ ហើយចង់ឲ្យកូនពៅម្នាក់នោះមានអនាគតជាមួយម៉ែឪគេអ្នកធូរធា។ គេបានបន្តថា ប្រពន្ធមានជំងឺឆ្កួតដើរស្រាតខោអាវ ឯឪពុកមានជំងឺចាស់ជរា។ រូបគេជាជាងឈើ មិនមានលទ្ធភាពគ្រប់គ្រាន់នោះទេ។
ក្រោយការចាប់ខ្លួននេះ បុរសជាឪពុកបានសម្តែងការស្តាយក្រោយ ដោយបានលក់កូនឲ្យគេបាត់។ រូបគេបាននិយាយថា បើទោះបីជាក្លាយទៅជាអ្នកសុំទាន លើកនេះក៏មិនលក់កូនឲ្យគេដែរ៕
ចែករំលែកព័តមាននេះ