បើតាមសារព័ត៌មានពីប្រទេសចិនកាលពីថ្ងៃទី២៣ សីហា ២០១៨ បានផ្សាយថា មហាជនបានទន្ទឹងរង់ចាំចូលស្នាក់នៅសណ្ឋាគារក្នុងរណ្ដៅ ឬ «Deep Pit Hotel» ជាសណ្ឋាគារនៅតំបន់ទាបបំផុតនៅលើពិភពលោក ។ ក្រុមហ៊ុន «ស៊ីម៉ៅ ហ្គ្រុប»(Shimao Group) ជាក្រុមហ៊ុនអចលនទ្រព្យដ៏ធំរបស់ចិនបានឲ្យដឹងថា សណ្ឋាគារនេះនឹងបើកនៅអំឡុងខែតុលា-ធ្នូខាងមុខ ។
សណ្ឋាគារផ្កាយ៥នោះបានសាងសង់ដោយក្រុមហ៊ុន «ស៊ីម៉ៅ ហ្គ្រុប» ដឹកនាំដោយ Inter Continental Hotels Group របស់អង់គ្លេស ស្ថិតក្នុងរណ្ដៅអតីតអណ្ដូងរ៉ែដ៏ចំណាស់នៅក្បែរភ្នំ «សឺសាន» ក្រុងសៀងហៃ ប្រទេសចិន ។
ប្រភពព័ត៌មានបញ្ជាក់បន្ថែមទៀតថា សណ្ឋាគារក្នុងរណ្ដៅដ៏ជ្រៅនេះបានសាងសង់ខ្ពស់ពីដីប្រហែល២ជាន់ និងចុះទៅក្រោមជម្រៅ១៦ជាន់ ដោយមាន២ជាន់ស្ថិតនៅក្នុងទឹក ។ សណ្ឋាគារនេះមានបន្ទប់គេងសរុប៣៣៦បន្ទប ដោយនីមួយៗអាចមើលឃើញថ្មភ្នំ និងទឹកជ្រោះ ព្រមទាំងទិដ្ឋភាពផ្សេងទៀត ៕
ចែករំលែកព័តមាននេះ