ប្រទេសបារាំង ៖ បើតាមអាជ្ញាធរមូលដ្ឋានបាននិយាយឱ្យដឹងថា មនុស្ស២នាក់ស្លាប់ហើយម្នាក់ទៀតរងរបួសធ្ងន់ នាឱកាសនៃការវាយប្រហារដោយកាំបិត កាលពីថ្ងៃទី២៣ខែសីហា ឆ្នាំ២០១៨ នៅទីក្រុង TRAPPES ខេត្ត YVELINES ក្បែរក្រុងប៉ារីស។
តាមអ្នកទទួលខុសត្រូវម្នាក់នៃខេត្ត YVELINES លោក JEAN JACQUES BROT បានគូសបញ្ជាក់ថា ជននោះត្រូវបានប៉ូលិសបាញ់សម្លាប់ ខណៈពេលរូបគេប៉ុនប៉ងចាកចេញពីកន្លែងលាក់ខ្លួន ក្រោយការវាយប្រហារ។ គេបានស្រែកពាក្យថា ALLAHOU AKBAR ព្រះអាល់ឡាហ៍ជាធំពេលវាយប្រហារ។ ហើយរូបគេកាលពីមុនធ្លាប់ត្រូវកាត់ទោសពីបទទាក់ទិនភេរវកម្មដែរ។
យោងតាមទូរទស្សន៍ BFMTV ថា ជនរងគ្រោះដោយការវាយប្រហារ គឺម្ដាយ និងប្អូនស្រីរបស់គេ ហើយទោះជននេះមានប្រវត្តិរ៉ាឌីកាល់និយម តែទំនាស់គ្រូសារហាក់ដូចជាមូលហេតុនៃសោកនាដកម្មនោះ៕
ចែករំលែកព័តមាននេះ