ខេត្តរតនៈគិរី ៖ កម្លាំងអធិការនគបាលក្រុងបានលុងចុះបង្ក្រាបទូរហ្គេមបាញ់ត្រីចាប់បានមនុស្ស៥នាក់ និងទូរហ្គែម២គ្រឿង សមត្ថកិច្ចបានចុះចាប់នៅវេលាម៉ោង១និង៣០នាទីរសៀល ថ្ងៃទី២៣ ខែសីហា ឆ្នាំ២៩១៨ ស្ថិតនៅភូមិអូរមៀត សង្កាត់ឡាបានសៀក…
ខេត្តរតនៈគិរី ៖ កម្លាំងអធិការនគបាលក្រុងបានលុងចុះបង្ក្រាបទូរហ្គេមបាញ់ត្រីចាប់បានមនុស្ស៥នាក់ និងទូរហ្គែម២គ្រឿង សមត្ថកិច្ចបានចុះចាប់នៅវេលាម៉ោង១និង៣០នាទីរសៀល ថ្ងៃទី២៣ ខែសីហា ឆ្នាំ២៩១៨ ស្ថិតនៅភូមិអូរមៀត សង្កាត់ឡាបានសៀក ក្រុងបានលុង ។
ទាក់ទិនករណីខាងលើត្រូវបានសមត្ថកិច្ចក្រុងបានលុងបានអោយអ្នកសាព័ត៌មាន កោះសន្តិភាព ដឹងថា ក្នុងការចុះបង្ក្រាបទីតាំងបើកល្បែងហ្គេមបាញ់ត្រីគឺដឹកនាំដោយលោករ៉ា បូរ៉ាន់ឌី ព្រះរាជអាជ្ញារងសាលាដំបូងខេត្ត ហើយក្នុងការចុះបង្ក្រាបនោះសមត្ថកិច្ចចាប់មនុស្សចំនួន៥នាក់ដែលទី១-មានឈ្មោះ អឹង សំរេច ភេទប្រុស អាយុ២១ឆ្នាំ មានមុខរបរអ្នកបើកហ្គេម, ទី២-ឈ្មោះ អឿន ស្រីណែត អាយុ១៩ឆ្នាំ អ្នកទាំង២នាក់ខាងលើរស់នៅភូមិ-ឃុំខាងលើ ។
ទី៣-ឈ្មោះ ថាត បូរ៉ា ភេទប្រុស អាយុ២១ឆ្នាំ មានមុខរបរមិនពិតប្រាដក រស់នៅភូមិថ្មី សង្កាត់ឡាបានសៀក ក្រុងបានលុង ហើយសមត្ថកិច្ចបានធ្វើត្រួតពិនិត្យទឹកនោមមានសារជាតិញៀន, ទី៤-ឈ្មោះ ឡេង ប៊ុនឡុង ភេទប្រុស អាយុ២០ឆ្នាំ មុខរបរនិស្សិត សមត្ថកិច្ចធ្វើការត្រួតពិនិតទឹកនោមមានសារជាតិញៀន និងទី៥-ឈ្មោះ ស្លេះ ពុធគ្រី ភេទប្រុស អាយុ១៩ឆ្នាំ ជនជាតិអ៊ីស្លាម មានមុខរបរជាងដែក ពួកគេទាំង៥នាក់រស់នៅក្រុងបានលុង ហើយនៅការចុះបង្ក្រាបនោះសមត្ថកិច្ចបានរឹបអូសបានទូរហ្គេមបាញ់ត្រីចំនួន២គ្រឿងផងដែរ ។
បច្ចុប្បន្នមនុស្សទាំង៥នាក់រួមទាំងវត្ថុតាងសមត្ថកិច្ចបានយកមករក្សាទុកនៅអធិការនគបាលក្រុងបានលុង ចំណែកមនុស្សចំនួន៥នាក់ខាងលើសមត្ថកិច្ចបានកំពុងកសាងសំណុំរឿងបញ្ជួនទៅតុលាការចាត់ការតាមនិតីវិធី ៕
ចែករំលែកព័តមាននេះ