រាជធានីភ្នំពេញ ៖ ជនជាតិវៀតណាម២នាក់ត្រូវបានកម្លាំងនគរបាលខណ្ឌឫស្សីកែវ ស្រាវជ្រាវឃាត់ខ្លួន ពេលកំពុងធ្វើសកម្មភាពជួញដូរគ្រឿងញៀន ។ ការចុះបង្ក្រាបនេះធ្វើឡើងកាលពីវេលាម៉ោង៥រសៀល ថ្ងៃទី២៣ ខែ សីហា ឆ្នាំ ២០១៨ នៅចំណុចសំណង់មិនរៀបរយ ក្នុងក្រុម៧ ភូមិលូ សង្កាត់ស្វាយ
ប៉ាក ខណ្ឌឫស្សីកែវ ។
ជនសង្ស័យដែលត្រូវឃាត់ខ្លួនខាងលើ ម្នាក់ឈ្មោះ ផាម យ៉ាំងលិន ភេទប្រស អាយុ២០ឆ្នាំ ជនជាតិវៀត
ណាម ស្នាក់នៅផ្ទះគ្មានលេខ ផ្លូវលំ ក្រុម៧ ភូមិលូ សង្កាត់ស្វាយប៉ាក(ជាអ្នកជួញដូរ) និងម្នាក់ទៀតឈ្មោះ ចាំង យ៉ាំងឡូម ភេទប្រុស អាយុ៤៨ឆ្នាំ ជនជាតិវៀតណាម មុខរបរមិនពិត ស្នាក់នៅផ្ទះគ្មានលេខ ក្រុម៧ ភូមិលូ សង្កាត់ស្វាយប៉ាក (ជាអ្នកជួញដូរ)។ បន្ទាប់ពីឃាត់ខ្លួនជនសង្ស័យទាំង២នាក់នេះ សមត្ថកិច្ចដកហូតបានថ្នាំញៀនប្រភេទក្រាមពណ៌សថ្លាចំនួន១៤កញ្ចប់ ថង់សំរាប់វិចខ្ចប់គ្រឿងញៀនមួយចំនួន និងឧបករណ៍ប្រើប្រាស់គ្រឿងញៀនមួយចំនួន។
តាមនគរបាលបានអោយដឹងថា ជនសង្ស័យ ជាមុខសញ្ញាជួញដូរគញរឿងញៀននៅក្នុងមូលដ្ឋាន ។ ដោយមានការស្រាវជ្រាវ សមត្ថកិច្ចក៏ឈានបង្ក្រាបជនសង្ស័យទាំង២នាក់បានជាក់ស្តែង និងដកហូតបានវត្ថុតាងមួយចំនួនតែម្តង ។
ជនសង្ស័យ រួមទាំងវត្ថុតាង ត្រូវបានកម្លាំងនគរបាលបញ្ជូនទៅកាន់អធិការដ្ឋានខណ្ឌឫស្សីកែវដើម្បី ចាត់ការតាមច្បាប់៕
ចែករំលែកព័តមាននេះ