ខេត្តកំពង់ស្ពឺ ៖ បុរសម្នាក់ដែលគេដឹងថា ជាឪពុកចុងដែលបានវាយធ្វើបាបក្មេងប្រុសម្នាក់បណ្តាលអោយមានរបួសសុះខ្លួន ព្រោះខឹងនឹងក្មេងប្រុសលេងដល់យប់ងងឹត ។ ក្រោយបង្កជនសង្ស័យត្រូវបានសាច់ញាតិក្មេងប្រុសរងគ្រោះដាក់ពាក្យបណ្តឹងអោយសមត្ថកិច្ចឃាត់ខ្លួនផងដែរ ។ ករណីបង្កហិង្សានេះកើតឡើងនាវេលាម៉ោង០៣និង០០នាទីរសៀល ថ្ងៃទី២៣…
ខេត្តកំពង់ស្ពឺ ៖ បុរសម្នាក់ដែលគេដឹងថា ជាឪពុកចុងដែលបានវាយធ្វើបាបក្មេងប្រុសម្នាក់បណ្តាលអោយមានរបួសសុះខ្លួន ព្រោះខឹងនឹងក្មេងប្រុសលេងដល់យប់ងងឹត ។ ក្រោយបង្កជនសង្ស័យត្រូវបានសាច់ញាតិក្មេងប្រុសរងគ្រោះដាក់ពាក្យបណ្តឹងអោយសមត្ថកិច្ចឃាត់ខ្លួនផងដែរ ។ ករណីបង្កហិង្សានេះកើតឡើងនាវេលាម៉ោង០៣និង០០នាទីរសៀល ថ្ងៃទី២៣ ខែសីហា ឆ្នាំ២០១៨ នៅភូមិបាយស្រា ឃុំទំព័រមាស ស្រុកសំរោងទង ខេត្តកំពងស្ពឺ ។
ជនសង្ស័យដែលសមត្ថកិច្ចឃាត់ខ្លួនឈ្មោះ លៀប អូនទូច ភេទប្រុស អាយុ២៩ឆ្នាំ រស់នៅភូមិបាយស្រា ឃុំទំព័រមាស ស្រុកសំរោងទង ខេត្តកំពងស្ពឺ ។ ចំណែកកុមាររងគ្រោះឈ្មោះ អ.ភ.ក ភេទប្រុស អាយុ៧ឆ្នាំ ត្រូវជាកូនចុងជនសង្ស័យ ។
ប្រភពពីសមត្ថកិច្ចបានអោយដឹងថាកាលពីវេលាម៉ោង០៦និង០០នាទីព្រលប់ ថ្ងៃទី២២ ខែសីហា ឆ្នាំ២០១៨ ពេលដែលកុមាររងគ្រោះកំពុងរត់លេង ស្រាប់តែជនសង្ស័យបានយករំពាត់វាយទៅលើកុមាររងគ្រោះបណ្ដាលរងរបួសពេញដងខ្លួនតែម្តង ។
បន្ទាប់ពីវាយទៅលើកុមាររងគ្រោះរួចមកជនសង្ស័យបាននៅផ្ទះជាធម្មតាហាក់ដូចជាមិនមានរឿងអ្វីកើតឡើងឡើយ ។ ដោយឃើញពីទង្វើព្រៃផ្សៃរបស់ជនសង្ស័យទៅលើកុមាររងគ្រោះមិនមានអ្នកណាម្នាក់ជួយអើពើនោះ ទើបសាច់ញាតិជិតខាងម្នាក់ទៅដាក់ពាក្យបណ្តឹងអោយសមត្ថកិច្ចឃាត់ខ្លួនជនបង្កតែម្តង ។
នៅចំពោះមុខសមត្ថកិច្ចជនសង្ស័យឆ្លើយសារភាពថា មូលហេតុដែលរូបគេយករំពាត់វាយទៅលើកុមាររងគ្រោះដោយសារតែគេខឹងនឹងកុមាររងគ្រោះរត់លេងមិនដឹងយប់ទើបកើតការខឹងសម្បារហើយវាយបែបនេះ ។
មន្ត្រីនគរបាលស្រុកសំរោងទងបានអោយដឹងថា ក្រោយស្តាប់ចម្លើយសារភាពរបស់ជនបង្ករួចមក កម្លាំងជំនាញបានកសាងសំណុំរឿងបញ្ជូនទៅកាន់ការិយាល័យព្រហ្មទណ្ឌចាត់ការតាមនីតិវិធី ៕
ចែករំលែកព័តមាននេះ