អតីតប្រធានាធិបតីអាមេរិក លោកចចដាប់ប៊លយូប៊ូស ក្នុងកិច្ចសន្ទនាមួយផ្សាយកាលពីថ្ងៃទី២៤ មេសា បានជំរុញប្អូនប្រុសលោក គឺលោកជេបប៊ូស ឱ្យហក់ប្រឡូកដណ្តើមយកតំណែងក្នុងេសតវិមានសម្រាប់ការបោះឆ្នោតប្រធានាធិបតីឆ្នាំ២០១៦ ដោយគូសបញ្ជាក់ថា លោកជេបប៊ូសនឹងជាបេក្ខជនដ៏អស្ចារ្យមួយរូប ប្រសិនបើលោកឈរឈ្មោះ ។
អតីតប្រធានាធិបតីអាមេរិក លោកចចដាប់ប៊លយូប៊ូស ក្នុងកិច្ចសន្ទនាមួយផ្សាយកាលពីថ្ងៃទី២៤ មេសា បានជំរុញប្អូនប្រុសលោក គឺលោកជេបប៊ូស ឱ្យហក់ប្រឡូកដណ្តើមយកតំណែងក្នុងេសតវិមានសម្រាប់ការបោះឆ្នោតប្រធានាធិបតីឆ្នាំ២០១៦ ដោយគូសបញ្ជាក់ថា លោកជេបប៊ូសនឹងជាបេក្ខជនដ៏អស្ចារ្យមួយរូប ប្រសិនបើលោកឈរឈ្មោះ ។
កិច្ចសន្ទនានេះចេញផ្សាយមុនពេលបើកសម្ពោធសារមន្ទីរមួយ ស្តីពីស្នាដៃ៨ឆ្នាំនៃការកាន់កាប់សេតវិមានរបស់លោកអតីតប្រធានាធិបតីអាមេរិករូបនេះថ្លែងថា លោកជេបប៊ូសពុំចាំបាច់ការស្នើយោបល់ពីខ្ញុំឡើយ ព្រោះលោកពិតជាចេះស្រាប់ហើយ ។ អតីតអភិបាលរដ្ឋផ្លរីដា លោកជេបប៊ូសនឹងអាចជាបេក្ខជនគណបក្សសាធារណរដ្ឋដែលសង្ឃឹមឈ្នះក្នុងការសម្រាំងបេក្ខជនប្រធានាធិបតីនាឆ្នាំ២០១៦ ។
ប្រសិនបើលោកជេបប៊ូសអាចប្រកួតឈ្នះក្នុងការបោះឆ្នោតប្រធានាធិបតីអាមេរិកឆ្នាំ២០១៦នោះនឹងជារឿងពុំធ្លាប់មានទាល់តែសោះ ក្នុងប្រវត្តិសាស្ត្រនយោបាយអាមេរិកដែលឪពុកធ្វើជាប្រធានាធិបតី បន្ទាប់មកបងប្រុស និងបន្ទាប់មកទៀតប្អូនប្រុសគ្រួសារប៊ូស ។ដោយលើកឡើងពីលទ្ធភាពដែលប្អូនប្រុសលោកអាចប៉ះគ្នាក្នុងឆ្នាំ២០១៦ជាមួយលោកស្រីហ៊ីលឡាវី គ្លីនតុន បើលោកស្រីឈរឈ្មោះដែរ លោកប៊ូសថា នោះនឹងបង្ហាញរូបភាពអស្ចារ្យមួយ ។
ការបោះឆ្នោតមួយមានការប៉ះគ្នារវាងសមាជិកគ្រួសារប៊ូស និងគ្រួសារគ្លីនតុន នឹងនាំឱ្យគេរំលឹកដល់ការបោះឆ្នោតឆ្នាំ១៩៩២ ដែលលោកប៊ីលគ្លីនតុនប្រជែងយកឈ្នះលោកចចប៊ូស ឪពុក ៕
ចែករំលែកព័តមាននេះ