រាជធានីភ្នំពេញ ៖ បង្គោលភ្លើងចំនួន២ដើម ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្តាលឲ្យខ្សែ ភ្លើង និងប្រអប់កុងទ័រ ត្រូវភ្លើងឆេះរងការខូចខាតទាំងស្រុង។ ហេតុការណ៍នេះបង្កឲ្យ មានការភ្ញាក់ផ្អើល…
រាជធានីភ្នំពេញ ៖ បង្គោលភ្លើងចំនួន២ដើម ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្តាលឲ្យខ្សែ ភ្លើង និងប្រអប់កុងទ័រ ត្រូវភ្លើងឆេះរងការខូចខាតទាំងស្រុង។ ហេតុការណ៍នេះបង្កឲ្យ មានការភ្ញាក់ផ្អើល កាលពីវេលាម៉ោងប្រមាណ៦ល្ងាច ថ្ងៃទី២៣ ខែសីហា នៅតាមផ្លូវលេខ៥៦៦ ក្នុងសង្កាត់បឹងកក់ទី១ ខណ្ឌទួលគោក។ ទោះបីជាយ៉ាងណាភ្លើងពុំបានឆេះរាលដាលដល់លំនៅដ្ឋានឡើយប្រជាពលរដ្ឋឡើយ។
ទាក់ទិននឹងការកើតមានអគ្គិភ័យ នេះត្រូវបាននគរបាលមូលដ្ឋានឲ្យដឹងថា បណ្តាលមកពីទុស្សេខ្សែភ្លើង ដោយនៅមុនពេលកើតហេតុគេឃើញខ្សែភ្លើងបានទុស្សេបែកផ្កាភ្លើង និងក្លាយជាអគ្គិភ័យ ឆាប់ឆេះយ៉ាងសន្ធោសន្ធៅតែម្តង។ ភ្លាមៗនោះបង្កឲ្យមានការភ្ញាក់ផ្អើលដល់នគរបាល អាជ្ញាធរ និងប្រជាពលរដ្ឋនាំគ្នាជួយពន្លត់។ នៅក្នុងហេតុការណ៍នេះនគរបាល ក៏បានទាក់ទងឲ្យមន្ត្រីអគ្គិសនីបិទ ភ្លើង ហើយបានហៅរថយន្តពន្លត់អគ្គីភ័យ មួយគ្រឿងទៅអន្តរាគមន៍បាញ់ពន្លត់។
តាមព័ត៌មានពីនគរបាលបានឲ្យដឹងទៀតថា ខ្សែភ្លើងរួមទាំងប្រអប់កុងទ័រ នៅជាប់បង្គោលភ្លើង ត្រូវបានភ្លើងឆេះរងការខូចខាតទាំងស្រុង។ គួរបញ្ជាក់ថា បង្គោលភ្លើង២ដើមជាប់គ្នា បានបំពាក់ខ្សែចម្រុះ រញ៉េរញ៉ៃ និងធ្លាក់រយីករយាក ហើយត្រូវភ្លើងឆេះរងការខូចខាត តែពុំបណ្តាលឲ្យមនុស្សរងគ្រោះ និងឆេះរាលដាលដល់លំនៅដ្ឋានប្រជាពលរដ្ឋឡើយ៕
https://youtu.be/XtbCcNNRyBY
ចែករំលែកព័តមាននេះ