អ្នកនាំពាក្យCPPថា៖ ការចរចាជាមួយខ្មែរនឹងខ្មែរជាការល្អ
- ភ្នំពេញ
រាជធានីភ្នំពេញ ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា បាន អះអាងថា ការចង់ឲ្យ មានការចរចារវាងខ្មែរនឹងខ្មែរជាការល្អ…
រាជធានីភ្នំពេញ ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា បាន អះអាងថា ការចង់ឲ្យ មានការចរចារវាងខ្មែរនឹងខ្មែរជាការល្អ…
រាជធានីភ្នំពេញ ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា បាន អះអាងថា ការចង់ឲ្យ មានការចរចារវាងខ្មែរនឹងខ្មែរជាការល្អ ប៉ុន្តែមិនអាចចរចាជាមួយអ្នកល្មើសច្បាប់បានទេ។ ការលើកឡើង នេះ បន្ទាប់ពីសមាជិកអតីតគណបក្សប្រឆាំងចង់មានឲ្យមានការចរចាគ្នា គណបក្សកាន់អំណាច និងគណបក្សប្រឆាំង ដើម្បីឲ្យស្ថានការនយោបាយមានភាពល្អប្រសើរឡើងវិញ រហូតដល់កោះលែង អតីតមេបក្សប្រឆាំង។ យ៉ាងណាក្តី លោក សុខ ឥសាន បានឲ្យដឹងនៅថ្ងៃទី២៣ សីហា នេះថា«ការចង់ឲ្យ មានការចរចារវាងខ្មែរនឹងខ្មែរគឺជាល្អ។
ហេតុនេះហើយ បានជាគណបក្សប្រជាជនកម្ពុជា បានដាក់ចេញ នូវនយោបាយបង្រួបបង្រួមជាតិ ឈានដល់មានកិច្ចព្រមព្រៀងទីក្រុងប៉ារីស ថ្ងៃ២៣ តុលា ១៩៩១ នយោបាយឈ្នះឈ្នះ ឈានដល់ធ្វើឱ្យខ្មែរក្រហមត្រូវរលំរលាយ ហើយនាំខ្យល់សន្តិភាពពេញលេញ និងការឯកភាពជាតិបានសុខដល់សព្វថ្ងៃនេះ។ លោកបន្តថា ក្រោយការបោះឆ្នោតថ្ងៃ២៩ កក្កដា ២០១៨ រាជរដ្ឋាភិបាល គណបក្សប្រជាជនកម្ពុជានៅតែយកគណបក្សមិនមានអាសនៈក្នុងរដ្ឋសភាមកចូលរួម កសាង និងអភិវឌ្ឈន៍ប្រទេសដែរ។
ដោយបង្កើតក្រុមប្រឹក្សាពិគ្រោះ និងផ្តល់យោបល់ ដែលជាទម្រង់មួយ ឲ្យមានការចរចារវាងខ្មែរនឹងខ្មែរ រកការរីកចម្រើនដល់ប្រទេសជាតិ ដែលត្រូវទទួលបានការស្វាគមន៍ ពីគ្រប់មជ្ឈដ្ឋាន។ ប៉ុន្តែការចរចាណាមួយមិនអាចធ្វើទៅបានជាមួយអ្នកប្រព្រឹត្តល្មើសច្បាប់ឡើយ ជាពិសេសជាមួយអ្នកដែលបានបំផ្លាញវប្បធម៌សន្ទនា និងជនក្បត់ជាតិ ដែលជា ការបំផ្លាញលទ្ធិប្រជាធិបតេយ្យ និងនីតិរដ្ឋ។ លោកគូសបញ្ជាក់ថា« មិនអាចដើម្បីរួចខ្លួនពីសំណាញ់ច្បាប់ ហើយទទូចចង់ឱ្យមានការចរចានយោបាយនោះជាដាច់ខាត បានសេចក្តីថា កុំចង់យកវប្បធម៌នីរទណ្ឌ ភាពមកជំនួសនីតិរដ្ឋឱ្យសោះ។ ដូច្នេះមុននឹងនិយាយ ត្រូវបែងចែកឱ្យដាច់រវាងការអនុវត្តច្បាប់ និងការងា រនយោបាយ មិនអាចច្របូកច្របល់បានជាដាច់ខាត» ។
ការលើកឡើងរបស់អ្នកនាំពាក្យ គណបក្ស ប្រជាជនកម្ពុជា ស្របពេលដែលមន្ត្រីជាន់ខ្ពស់ អតីតគណបក្សសង្គ្រោះជាតិចង់ឲ្យមានការចរចា ផ្នែកនយោបាយរហូតដល់មានការដោះលែងសកម្មជន ក៏ដូចជាអតីតមេដឹកនាំគណបក្សប្រឆាំងផងដែរ។ លោក អ៊ូ ច័ន្ទរ័ត្ន បានលើកឡើងនៅតែទាមទារឲ្យមានការដោះលែង សកម្មជនចំនួន ១៥នាក់ រួមទាំងលោក កឹម សុខា អតីតប្រធានគណបក្សសង្គ្រោះជាតិ ឲ្យមានសេរីភាពឡើងវិញផងដែរ៕
ចែករំលែកព័តមាននេះ