រាជធានីភ្នំពេញ ៖ បន្ទាប់ពីប្អូនប្រុសបង្កើតសម្រេចយកតួនាទីជាទីប្រឹក្សារាជរដ្ឋាភិបាល កាលពីពេលថ្មីកន្លងមកនេះ លោក គង់ សភា អតីតសមាជិកសភាគណបក្សសង្គ្រោះជាតិ បានរិះគន់ប្អូនបង្កើតថា បង្កើតគណបក្សល្អិតល្អោចដើម្បីលម្អអន្តរជាតិតែប៉ុណ្ណោះ។ ការលើកឡើងនេះ បន្ទាប់ពីលោក គង់ មុនីកា ប្រធានគណបក្សឆន្ទៈខ្មែរ ដែលប្អូនប្រុសបង្កើតលោក គង់ សភា បានទទួលយកតួនាជាទីប្រឹក្សារាជរដ្ឋាភិបាល ក្រោមការបង្កើតការ«ឧត្តមក្រុមប្រឹក្សាពិគ្រោះ និងផ្តល់យោបល់» កាលពីថ្ងៃទី២១ សីហា កន្លងមក។ លោក គង់ សភា បន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីបានសម្រេចបង្កើតឧត្តមក្រុមប្រឹក្សាពិគ្រោះ និងផ្តល់យោបល់ ដោយអនុញ្ញាតឲ្យ គណបក្សនយោបាយដែលមិនជាប់ឆ្នោតក្នុងការបោះឆ្នោតចំនួន១៦ ធ្វើជាទីប្រឹក្សា។
សម្រាប់ការបង្កើ តឧត្តមក្រុមប្រឹក្សាពិគ្រោះយោបល់ និងផ្តល់យោបល់ត្រូវបានលោក គង់ សភា ថាតើជាចាំបាច់ទេការ បង្កើតឧត្តមក្រុមប្រឹក្សា និងផ្ដល់យោបល់? លោកបានបញ្ជាក់ថា «ខ្ញុំយល់ថានោះជាឆាកល្ខោន ក្នុងការបិទបាំង និងបំភ័ន្តភ្នែកអន្តរជាតិតែប៉ុណ្ណោះ។ ព្រោះថា បក្សប្រឆាំងដ៏ខ្លាំងមួយដែលធ្លាប់ រិះគន់ផ្តល់យោបល់ និងធ្វើជាកញ្ចក់សម្រាប់ឆ្លុះដើម្បីស្ថាបនាកែលម្អ នូវត្រូវបានជនផ្តាច់ការ មិនទទួលយកយោបល់ទាំងនោះហើយ ត្រូវបានរំលាយ និងបិទសិទ្ធសេរីភាពមិនឲ្យធ្វើនយោបាយ ដើម្បីចូលរួមប្រកួតប្រជែង។ ចុះបក្សល្អិតល្អោចទាំងនោះផ្តល់យោបល់ តើជនផ្តាច់ការយកគំនិតទៅ អនុវត្តន៍ ដែរឬទេ? »។
ចំណែកលោក ពេជ្រ ស្រស់ ប្រធានគណបក្សយុវជនកម្ពុជាបានលើកឡើងលើ បណ្តាញសង្គមថា ការបង្កើតឧត្តមក្រុមប្រឹក្សាពិគ្រោះ និងផ្តល់យោបល់ មិនមែននាំគ្នាលក់ ជាតិ ឬបំផ្លាញជាតិនោះទេ ចុះហេតុអ្វីបានជាអ្នកនយោបាយ និងអ្នកគាំទ្រនយោបាយមួយចំ នួនគិតអាក្រក់ចំពោះសកម្មភាពនេះទៅវិញ…….?។ លោកបន្តថា មានអ្នកនយោបាយមួយចំនួន បានយកអនាគតស្ថាប័ននេះវាយប្រហារនយោបាយ ដល់គណបក្សដទៃដើម្បីបង្ហាញថា បក្សរបស់ខ្លួនស្អាតស្អំ ខ្ញុំចង់សួរថាការធ្វើនយោបាយ ដើម្បីអភិវឌ្ឍន៍ជាតិ ឬដើម្បីកិត្តិយសរបស់ខ្លួន..? បើសិនជាដើម្បីអភិវឌ្ឍន៍ជាតិ យើងត្រូវរកចំណុចរួមក្នុងការអភិវឌ្ឍន៍ ហើយបើម្នាក់ៗនៅតែធ្វើតួឯកនោះ សួរថា អាចជួយពលរដ្ឋខ្មែរបានដែរឬទេ…?៕
ចែករំលែកព័តមាននេះ