ប្រទេសអារ៉ាប៊ីសាអ៊ូឌីត ៖ អង្គការសិទ្ធិមនុស្ស AMNESTY INTERNATIONAL បានគូសបញ្ជាក់នាថ្ងៃទី២២ សីហា ថា រាជអាជ្ញាសាធារណៈអារាប៊ីសាអ៊ូឌីត ទាមទារឲ្យកាត់ទោសប្រហារជីវិតសកម្មជនសិទ្ធិមនុស្ស៥នាក់។…
ប្រទេសអារ៉ាប៊ីសាអ៊ូឌីត ៖ អង្គការសិទ្ធិមនុស្ស AMNESTY INTERNATIONAL បានគូសបញ្ជាក់នាថ្ងៃទី២២ សីហា ថា រាជអាជ្ញាសាធារណៈអារាប៊ីសាអ៊ូឌីត ទាមទារឲ្យកាត់ទោសប្រហារជីវិតសកម្មជនសិទ្ធិមនុស្ស៥នាក់។
ក្នុងសេចក្ដីប្រកាសមួយអង្គការនេះក៏បាននិយាយថា ក្នុងចំណោមសកម្មជនទាំង៥នាក់នោះ មាននាង ISRAA AL GHOMGHAM ជាសកម្មជនល្បីឈ្មោះម្នាក់។ នាងក្លាយជានារីដំបូងគេរបស់ប្រទេសដែលអាចត្រូវប្រហារជីវិត មកតែពីសកម្មភាពទាមទារបណ្ដាសិទ្ធិជាសារវ័នរ បស់មនុស្ស។
អ្នកទាំង៥នាក់នេះទទួលការចោទប្រកាន់ថា អុជអាលឲ្យមានបាតុកម្មតវ៉ាក្នុងផ្ទៃសហគមន៍អ៊ិស្លាមស៊ីអ៊ីតជាក្រុមភាគតិច ក្នុងតំបន់យុទ្ធសាស្ត្រមួយនាភាគខាងកើតអារ៉ាប៊ីសាអ៊ូឌីត ដែលជាកន្លែងសម្បូរប្រេងកាត និងឧស្ម័ន។
នាង ISRAA AL GHOMGHAM និងមនុស្ស៤នាក់ទៀត នាពេលនេះកំពុងតែប្រឈមមុខនឹងទោសប្រហារជីវិត ដោយសារតែពួកគេចូលប្រឡូកក្នុងបាតុកម្មនានាប្រឆាំងរដ្ឋាភិបាល៕
ចែករំលែកព័តមាននេះ