តាមការសិក្សាស្រាវជ្រាវថ្មីមួយនៅសាកលវិទ្យាល័យ Harvard ចេញជាលទ្ធផលគួរឲ្យភ្ញាក់ផ្អើលមួយថា ប្រេងដូងដែលគ្រប់គ្នាគិតថា ល្អសម្រាប់សុខភាពនោះ តាមពិតគឺជាអាហារដ៏អាក្រក់បំផុតសម្រាប់មនុស្ស។ លោកស្រីវេជ្ជបណ្ឌិត Karin Michels បានចាត់ទុកប្រេងដូង…
តាមការសិក្សាស្រាវជ្រាវថ្មីមួយនៅសាកលវិទ្យាល័យ Harvard ចេញជាលទ្ធផលគួរឲ្យភ្ញាក់ផ្អើលមួយថា ប្រេងដូងដែលគ្រប់គ្នាគិតថា ល្អសម្រាប់សុខភាពនោះ តាមពិតគឺជាអាហារដ៏អាក្រក់បំផុតសម្រាប់មនុស្ស។
លោកស្រីវេជ្ជបណ្ឌិត Karin Michels បានចាត់ទុកប្រេងដូង គឺជាថ្នាំពុល ហើយអះអាងថា វាអាចនឹងធ្វើឲ្យស្ទះសរសៃឈាម ជាងខ្លាញ់សត្វដែលយើងទទួលទានទៅទៀត។ ការលើកឡើងនេះធ្វើឡើងនៅអាល្លឺម៉ង់កាលពីខែមុន។
លោកស្រីសាស្ត្រាចារ្យវេជ្ជបណ្ឌិត Michels នៅសាកលវិទ្យាល័យ Harvard ខាងផ្នែកសុខភាពសាធារណៈ និងជាប្រធានមជ្ឈមណ្ឌលស្រាវជ្រាវដុំសាច់នៅសាកលវិទ្យាល័យ Freiburg បានលើកឡើងបែបនេះ នៅក្នុងបទបង្ហាញរយៈពេល៥០នាទីជាភាសាអាល្លឺម៉ង់ ដែលក្រោយមកត្រូវបានចែកចាយពេញលើ YouTube។
លោកស្រីបានលើកឡើងថា ប្រេងដូងអាក្រក់ជាងខ្លាញ់សត្វទៅទៀត (ខ្លាញ់ជ្រូក) ខណៈដែលជនជាតិអាមេរិក ៧០% គិតថា វាល្អសម្រាប់សុខភាព។ វាមានផ្ទុកអាស៊ីតខ្លាញ់ឆ្អែត ដែលអាចធ្វើឲ្យស្ទះសរសៃឈាមអាទែ។
គេអាចដឹងបានថា ខ្លាញ់ណាឆ្អែត ឬមិនឆ្អែត តាមរយៈការទុកចោលឲ្យនៅស្ងៀមនៅក្នុងសីតុណ្ហភាពធម្មតា។ ប្រសិនបើវាកក នោះវាមានផ្ទុកអាស៊ីតខ្លាញ់ឆ្អែតច្រើន ដែលមិនល្អសម្រាប់សុខភាពសរសៃឈាម៕
ចែករំលែកព័តមាននេះ