ខេត្តក្រចេះ ៖ គ្រោះទឹកជំនន់ក្រៅពីបានបង្កការជន់លិចហើយធ្វើឲ្យប៉ះពាល់យ៉ាងធ្ងន់ធ្ងរដល់ វិស័យផ្សេងៗនានាតាមតំបន់លិចលង់នៅក្នុងខេត្ត ។ គ្រោះធម្មជាតិនេះថែមទាំងបានបង្កការ យាយីដល់អាយុជីវិតមនុស្សថែមទៀតផង ដោយក្នុងនោះត្រូវបានគេដឹងថា មានមនុស្ស៦នាក់ ហើយរងគ្រោះដល់អាយុជិវិតក្នុងរដូវទឹកជំនន់អំឡុងរយៈពេលប៉ុន្មានខែចុងក្រោយនេះ…
ខេត្តក្រចេះ ៖ គ្រោះទឹកជំនន់ក្រៅពីបានបង្កការជន់លិចហើយធ្វើឲ្យប៉ះពាល់យ៉ាងធ្ងន់ធ្ងរដល់ វិស័យផ្សេងៗនានាតាមតំបន់លិចលង់នៅក្នុងខេត្ត ។ គ្រោះធម្មជាតិនេះថែមទាំងបានបង្កការ យាយីដល់អាយុជីវិតមនុស្សថែមទៀតផង ដោយក្នុងនោះត្រូវបានគេដឹងថា មានមនុស្ស៦នាក់ ហើយរងគ្រោះដល់អាយុជិវិតក្នុងរដូវទឹកជំនន់អំឡុងរយៈពេលប៉ុន្មានខែចុងក្រោយនេះ ។
សេចក្តីរាយការណ៍មួយឲ្យដឹងថា ក្មេងស្រីចំនួន២នាក់ផ្សេងទៀតក្នុងនោះមានម្នាក់អាយុ៧ឆ្នាំ និងម្នាក់ទៀតអាយុ៥ឆ្នាំ បានជួបហេតុការណ៍លង់ទឹកស្លាប់ក្នុងថ្ងៃតែមួយថ្ងៃទី២២ សីហា នៅស្រុកផ្សេងគ្នា ដែលស្ថិតនៅតាមតំបន់កំពុងរង់ការលិចលង់ ។
បើតាមនគរបាលស្រុកសំបូរបានឲ្យដឹងថា សពរបស់ក្មេងស្រី អាយុ៧ឆ្នាំ ម្នាក់ ដែលបានជួបហេតុការណ៍លង់ទឹកទន្លេ នៅពេលក្មេងស្រីរូបនេះកំពុងតែជិះទូកជាមួយ និងឱ ពុកម្តាយ ខណៈដែលទឹកហូរខ្លាំងទូករលត់ម៉ាស៊ីនក៏ហូរតាមទឹកទៅបុកជាមួយ និងគល់ឈើ ដាច់ទូកចេញជាពីរចំណែក ។ ហេតុការណ៍នេះបានបង្កឲ្យក្មេងស្រីរងគ្រោះត្រូវធ្លាក់ចូលក្នុង ទឹកទន្លេបាត់មិនទាន់រកសពឃើញនៅឡើយទេ ។ ឧប្បត្តិហេតុមួយនេះបានកើតឡើកាល ពីថ្ងៃទី២២ សីហានៅទន្លេមេគង្គ ស្ថិតនៅចំណុច ភូមិអាចេន ឃុំកំពង់ចាម ស្រុកសំបូរ ។
នគរបាលមូលដ្ឋានស្រុកចិត្របុរីក៏បានឲ្យដឹងដែរថា សពក្មេងស្រី អាយុ៥ឆ្នាំម្នាក់ ត្រូវក្រុមគ្រួសារស្រង់ចេញពីទឹកនៅខាងក្រោយផ្ទះ ស្ថិតនៅភូមិព្រែកតាអាំ ឃុំបុសលាវ ស្រុក ចិត្របុរី កាលពីថ្ងៃទី២២ សីហា បន្ទាប់ពីកុមារីរងគ្រោះបានជួបហេតុការណ៍លង់រហូតស្លាប់ ។ ការលង់ទឹកបណ្តាលឲ្យស្លាប់នេះ គឺកើតមានឡើងនៅពេលកុមារីរងគ្រោះបានទៅបន្ទោបង់ តែម្នាក់ឯង នៅខាងក្រោយផ្ទះ ក៏រអិលជើងធ្លាក់តាមប្រហោងរនាបផ្ទះ ចុះមកក្រោមដែលមាន ទឹកជន់លិចក្រោមផ្ទះក៏បណ្តាលឲ្យលង់ស្លាប់ ។ ជាមួយ និងស្ថានភាពទឹកជំនន់ដែលកំពុងបង្កើនការជន់លិចស្ទើរគ្របដណ្តបតាមតំបន់ នានានៅទូទាំងខេត្ត ហើយការជន់លិចរហូតដល់កម្រិតប្រកាសអាសន្ននេះ ។ ការជន់លិចមិនត្រឹមតែបានបង្កការប៉ះពាល់ធ្ងន់ធ្ងរដល់វិស័យកសិកម្មហេដ្ឋារចនាសម្ព័ន ភូមិឋានរបស់ពលរដ្ឋនោះទេ ។ ក្រៅពីនោះក៏មានការកត់សម្គាល់ឃើញថា ទឹកជំនន់ក៏បានបង្កឲ្យមានមហន្តរាយ ដល់អាយុជីវិតមនុស្សផងដែរ ។
សេចក្តីរាយការណ៍បានឲ្យដឹងថា មានយុវជនយុវតីយ៉ាងហោច៣នាក់ រស់នៅស្រុកឆ្លូងបានជួបហេតុការណ៍លង់ទឹកស្លាប់ កាលពីចុងខែកក្កដា ខណៈ មានយុវជនដែលមានសតិមិនគ្រប់ម្នាក់ រស់នៅស្រុកព្រែកប្រសព្វក៏ជួបហតុការលង់ទឹកស្លាប់ កាលពីថ្ងៃទី២០ សីហាកន្លងទៅនេះដែរ ។ ស្របពេលដែលមានកុមារី២នាក់ដែលមានអាយុ ៥ឆ្នាំ និង៧ឆ្នាំ រស់នៅក្នុងស្រុកចិត្របុរី និងស្រុកសំបូរក៏ជួបហេតុការលង់ទឹកស្លាប់នៅថ្ងៃតែ មួយគឺថ្ងៃទី២២ សីហានេះដែរ ៕
ចែករំលែកព័តមាននេះ