រាជធានីភ្នំពេញ ៖ រថយន្តយីឌុប ម៉ាកហ៊ីណូមួយគ្រឿង បានបើកបុករ៉ឺម៉កម៉ូតូកង់បីពីក្រោយហើយរេចង្កូតទៅបុកផ្ទះប្រជាពលរដ្ឋចំនួន២ខ្នងរងការខូចខាត បណ្តាលឱ្យមនុស្សម្នាក់រងរបួសធ្ងន់ ហើយរថយន្តជ្រុលធ្លាក់ប្រឡាយទាំងព្រឹក។ ហេតុកាណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង១០នាទីព្រឹកថ្ងៃទី២៣ ខែសីហា ឆ្នាំ២០១៨…
រាជធានីភ្នំពេញ ៖ រថយន្តយីឌុប ម៉ាកហ៊ីណូមួយគ្រឿង បានបើកបុករ៉ឺម៉កម៉ូតូកង់បីពីក្រោយហើយរេចង្កូតទៅបុកផ្ទះប្រជាពលរដ្ឋចំនួន២ខ្នងរងការខូចខាត បណ្តាលឱ្យមនុស្សម្នាក់រងរបួសធ្ងន់ ហើយរថយន្តជ្រុលធ្លាក់ប្រឡាយទាំងព្រឹក។ ហេតុកាណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង១០នាទីព្រឹកថ្ងៃទី២៣ ខែសីហា ឆ្នាំ២០១៨ ស្ថិតនៅតាមផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ។
ជនរងគ្រោះខាងលើឈ្មោះសួ សុខា ភេទប្រុស អាយុ៤៧ឆ្នាំ ជាអ្នកបើករ៉ឺម៉កកង់បី ស្នាក់នៅភូមិព្រែកក្តាម២ ឃុំកោះចិន ស្រុកពញ្ញាឮ ខេត្តកណ្តាល បានរងរបួសធ្ងន់ ។ ចំណែករថយន្តបង្កម៉ាកហ៊ីណូ ពណ៌ខៀវទ្រុងពណ៌ស ពាក់ស្លាកលេខ ប៉ៃលិន ៣A-០០០៧ បើកបរដោយឈ្មោះសយ ចាន់ ភេទប្រុស អាយុ៤០ឆ្នាំ ស្នាក់នៅភូមិត្រាង ឃុំស្វាយអាត់ ក្រុងសំពៅមាស ខេត្តពោធិ៍សាត់។
តាមសាក្សីដែលឃើញហេតុការណ៍បានឱ្យដឹងថា រថយន្តបានធ្វើដំណើរពីជើងទៅត្បូងតាមផ្លូវជាតិលេខ៥ លុះមកដល់ចំណុចកើតហេតុ ក៍បានជ្រុលចង្កូតបុករ៉ឺម៉ូតូកង់បីពីក្រោយ បណ្តាលឱ្យក្រឡាប់ ហើយអ្នកបើកបររ៉ឺម៉កកង់បីបានរងរបួសធ្ងន់ ។
ប្រភពដដែលបានបន្តថា នៅក្នុងគ្រោះថ្នាក់ខាងលើធ្វើឱ្យរថយន្តបាត់ម្ចាស់ការក៏ជ្រុលទៅស្តាំដៃឡើងចិញ្ចឹមផ្លូវ បុករះសំយ៉ាបផ្ទះពលរដ្ឋចំនួន២ខ្នង បណ្តាលឱ្យរងការខូចខាត ហើយរថយន្តក៏បានជ្រុលធ្លាក់ប្រឡាយទឹកតែម្តង ។
តាមប្រភពពីអ្នកបើកបររថយន្តបាននិយាយថា ដោយសារតែរថយន្តជាន់ហ្វ្រាំងមិនស៊ី។
ក្រោយកើតហេតុ នគរបាលមូលដ្ឋានក៏បានចុះទៅវាស់វែងនាំយករថយន្តមកទុកនៅអធិការដ្ឋាន ដើម្បីដោះស្រាយនៅពេលក្រោយ៕
ចែករំលែកព័តមាននេះ