សារព័ត៌មានបរទេសកាលពីពេលថ្មីៗកន្លងមកផ្សាយថា នាងស្កាឡេត ចូហានសុន(Scarlett Johansson) អាយុ៣៣ឆ្នាំ អាចរកចំណូលមុនការបង់ពន្ធក្នុងអំឡុងពីថ្ងៃទី១ មិថុនា ២០១៧ ដល់ថ្ងៃទី១ មិថុនា២០១៨ ចំនួន៤០,៥លានដុល្លារ ស្ថិតនៅលំដាប់ទី១ នៅក្នុងឆ្នាំ២០១៨ ។ នេះបើតាមការរៀបចំណាត់ថ្នាក់របស់ទស្សនាវដ្ដី«Forbes» ។
ចំណាត់ថ្នាក់ទី២ គឺនាងអេនចេលីណា ជោលីតារាសម្តែងកូន៦នាក់ អាយុ៤៣ឆ្នាំ រកចំណូលបាន២៨លានដុល្លារ ជាចំណូលពីការសម្តែងរឿង«Maleficent 2» នឹងដាក់បញ្ចាំងនៅឆ្នាំ២០២០។
លំដាប់ទី៣បានលើនាងជេននីហ្វើ អានីស្តុន(Jennifer Aniston) អាយុ៤៩ឆ្នាំ ចំណូលបានតាមរយៈការឃោសនាលើផលិតផលSmartwater របស់Coca-Cola Co និងផលិតផលប៊្រេនAveeno របស់Johnson & Johnson ។
ចំណែកនាងជេន្នីហ្វើ ឡរ៉េន(Jennifer Lawrence) តារាសម្តែងអាយុ២៨ឆ្នាំស្ថិតនៅលំដាប់ទី៤ មានចំណូលពីរឿង«X-Men» និងកិច្ចសន្យាឃោសនាលើស្លាកសញ្ញាChristian Dior មានចំណូល១៨លានដុល្លារធ្លាក់ចុះកាលពីឆ្នាំមុនប្រហែល៦លានដុល្លារ ។
លំដាប់ទី៥គឺនាងរីស វិតធ័រស្ពូន(Riz Viterspun) មានចំណូល១៦,៥លានដុល្លារនៅក្នុងរឿង«Big Little Lies» ៕
ចែករំលែកព័តមាននេះ