លួចកាំភ្លើងឪពុកបា.ញ់សម្លា.ប់ខ្លួន សង្ស័យជំងឺសរសៃប្រសាទធ្វើទុក្ខ
- កំពង់ស្ពឺ
ខេត្តកំពង់ស្ពឺ ៖ យុវជនឈាមក្តៅមួយម្នាក់បានលួចយកកាំភ្លើងឪពុករបស់ខ្លួនបាញ់សម្លាប់ខ្លួនឯង ខណៈឪពុកកំពុងអង្គុយលេងក្រៅផ្ទះ។ ករណីនេះសមត្ថកិចបានដាក់ការសន្និដា្ឋនថា ជនរងគ្រោះអាចជំងឺ សរសៃប្រសាទធ្វើទុក្ខព្រោះកន្កងមកតាមសេចក្តីរាយការណ៍ពីឪពុកសពគឺជនរងគ្រោះធ្លាប់ប៉ុនប៉ងសម្លាប់ខ្លួនដោយចងកជាច្រើនលើកមកហើយ។ ករណីបាញ់សម្លាប់ខ្លួននេះកើតឡើងកាលពីវេលាម៉ោង៣រសៀល នៅចំណុចភូមិអង្គសិរី សង្កាត់រកាធំ…
ជនរងគ្រោះឈ្មោះ ឆិល តុលា អាយុ២១ឆ្នាំ មានឪពុកឈ្មោះ ឯម សុខុម ជាមន្ត្រីមន្ទីរកសិកម្មខេត្ត រស់នៅកន្លែងកើតហេតុ។ ប្រភពពីសមត្ថកិច្ចបានឲ្យដឹងថា តាមសេចក្តីរាយការណ៍ពីក្រុមគ្រួសារសពគឺខណៈដែលឪពុកកំពុងអង្គុយលេងនៅក្រៅផ្ទះ ស្រាប់តែជនរងគ្រោះដែលបាត់ពីផ្ទះ១ថ្ងៃមកហើយនោះបានចូលមកដល់ហើយដើរសំដៅទៅក្នុងផ្ទះបាត់ទៅ។ ការដែលជនរងគ្រោះចូលមកនេះឪពុកក៏មិនបានចាប់អារម្មណ៍ដែរ គិតស្មានថា កូនមកពីដើរលេងដូចសព្វដង តែមិននឹកស្មានថារូបគេចូលទៅក្នុងបន្ទប់ហើយយកកាំភ្លើងបាញ់សម្លាប់ខ្លួនបែបនេះសោះ។
ស្នងការនគរបាលខេត្តកំពង់ស្ពឺ លោកឧត្តមសេនីយ៍ទោ សម សាមួន បានប្រាប់ថា ជនរងគ្រោះជាមនុស្សមានជំងឺសរសៃប្រសាទជាប់ខ្លួន។ កន្លងមកតាមសេចក្តីរាយការណ៍ពីឪពុកជនរងគ្រោះ គឺរូបគេធ្លាប់ប៉ុនប៉ងចងកសម្លាប់ខ្លួនច្រើនលើកមកហើយ តែមិនបានសម្រេចដោយឪពុកឃើញទាន់ លើកចុងក្រោយនេះក៏ធ្វើអត្តឃាតបានសម្រេចតែម្តង។ លោក ឯម សុខុម បានប្រាប់ផងដែរថា អាវុធរបស់លោកដែលកូនយកទៅបាញ់សម្លាប់ខ្លួននេះម៉ាក K៥៤ ជាអាវុធរបស់លោកកាន់កាប់ប្រើប្រាស់ ដោយមានការទទួលស្គាល់ពីប្រធានអង្គភាពត្រឹមត្រូវហើយចំពោះអាវុធនេះគឺលោកលាក់ទុកក្រោមពូកដេករបស់លោក តែមិនឹកស្មានថា កូនវារកឃើញហើយយកមកបាញ់សម្លាប់ខ្កួនបែបនេះសោះ។
លោក ឯម សុខុម បន្តថា កូននេះគឺលោកស្រលាញ់ជាងគេ ហើយរាល់ថ្ងៃនេះទៀតសោះកំពុងសង់រោង៣ខ្នងអស់លុយរាប់ម៉ឺនដុល្លារ ទុកឲ្យគេចិញ្ចឹមជ្រូក តែមិននឹកស្មានថាកូនគិតខ្លីដល់ថ្នាក់ហ្នឹងសោះ។ បើតាមសាច់ញាតិជិតខាងផ្ទះកើតហេតុ បង្ហើបប្រាប់គឺជនរងគ្រោះជាមនុស្សញៀនថ្នាំបើទោះជាឪពុកអប់រំប្រដៅ និងណែនាំយ៉ាងណាក៏ជនរងគ្រោះមិនស្តាប់តាមការណែនាំដែរ។ ក្រោយកើតហេតុសមត្ថកិច្ចបានចុះធ្វើការពិនិត្យ ឃើញថា ជនរងគ្រោះពិតបានជាបានយកកាំភ្លើងរបស់ឪពុកគេបាញ់សម្លាប់ខ្លួនប្រាកដមែន។ សពត្រូវបានសមត្ថកិច្ចប្រគល់ឲ្យក្រុមគ្រួសារៀបចំធ្វើបុណ្យតាមប្រពៃណី៕
ចែករំលែកព័តមាននេះ