ប្រទេសរុស្ស៊ី ៖ យន្តហោះមួយគ្រឿងនៃក្រុមហ៊ុនអាកាសចរណ៍ RED WINGS ដែលបានហោះចាកចេញពីទីក្រុងអ៊ូហ្វា ទៅកាន់ក្រុងសូតជី ហើយដឹកអ្នកដំណើរជាង២០០នាក់ ត្រូវចុះចតបន្ទាន់ កាលពីយប់ថ្ងៃទី២១…
ប្រទេសរុស្ស៊ី ៖ យន្តហោះមួយគ្រឿងនៃក្រុមហ៊ុនអាកាសចរណ៍ RED WINGS ដែលបានហោះចាកចេញពីទីក្រុងអ៊ូហ្វា ទៅកាន់ក្រុងសូតជី ហើយដឹកអ្នកដំណើរជាង២០០នាក់ ត្រូវចុះចតបន្ទាន់ កាលពីយប់ថ្ងៃទី២១ មក២២ ខែសីហា ឆ្នាំ២០១៨ ក្រោយពីមានភ្លើងឆាបឆេះម៉ាស៊ីនមួយរបស់វាយ៉ាងសន្ធោសន្ធៅ។
សេចក្ដីប្រកាសមួយរបស់ព្រលានយន្តហោះអ៊ូហ្វា បាននិយាយឱ្យដឹងថា នាវេលាម៉ោង៥និង៦នាទីម៉ោងក្នុងស្រុក ដោយសារមានភ្លើងឆាបឆេះម៉ាស៊ីនខាងធ្វេងនៃយន្តហោះដឹកអ្នកដំណើរធុន TU-204 របស់ក្រុមហ៊ុន RED WINGS ដែលបានហោះហើររវាងក្រុងអ៊ូហ្វា និងក្រុងសូតជី ហើយបានចុះចតបន្ទាន់នៅព្រលានយន្តហោះអ៊ូហ្វា ជាមួយនឹងអ្នកដំណើរ២០២អ្នក ប៉ុន្តែពុំបណ្ដាលឲ្យមាននរណាម្នាក់រងគ្រោះនោះ ឡើយ។
អ្នកដំណើរម្នាក់អាចថតជាវីដេអូមួយបង្ហាញម៉ាស៊ីនយន្តហោះ ខណៈពេលកំពុងឆេះ។ ហើយតាមរូបភាពគេឃើញម៉ាស៊ីនមួយមានអណ្ដាតភ្លើងជះចេញ ពេលយន្តហោះកំពុងហោះហើរ។ ប៉ុន្តែយន្តហោះអាចចុះចតដោយជោគជ័យ ក្រោយមកភ្លើងត្រូវបានពន្លត់ទាន់ពេលវេលា ចំណែកអ្នកដំណើរម្នាក់ៗភ័យព្រលឹងចុងសក់គ្រប់ៗគ្នា៕
ចែករំលែកព័តមាននេះ