រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាាផ្ទៃ បានធ្វើការព្រមានដល់មន្ត្រីនគរបាលពន្លត់អគ្គិភ័យទាំងអស់ កុំឱ្យទារលុយពីប្រជាពលរដ្ឋ ដែលជាថ្នូរនឹងការបាញ់ទឹកពន្លត់អគ្គិភ័យ…
រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាាផ្ទៃ បានធ្វើការព្រមានដល់មន្ត្រីនគរបាលពន្លត់អគ្គិភ័យទាំងអស់ កុំឱ្យទារលុយពីប្រជាពលរដ្ឋ ដែលជាថ្នូរនឹងការបាញ់ទឹកពន្លត់អគ្គិភ័យ ពោលគឺកុំយករថយន្តពន្លត់អគ្គិភ័យធ្វើអាជីវកម្ម ប្រយ័ត្នមានទោស ។
សម្ដេចក្រឡាហោម បានធ្វើការព្រមានយ៉ាងដូច្នេះ នៅក្នុងពិធីប្រគល់រថយន្តពន្លត់អគ្គិភ័យដល់អង្គភាពជំនាញ និងស្នងការនគរបាលរាជធានី-ខេត្ត កាលពីព្រឹកថ្ងៃទី២២ សីហា នៅក្រសួងមហាផ្ទៃ ។ សម្តេចក្រឡាហោម ស ខេង ក៏បានថ្លែងទៀតថា នគរបាលពន្លត់អគ្គិភ័យត្រូវប្រកាន់វិជ្ជាជីវៈ និងបំពេញការងារតាមជំនាញដោយមិនរើសមុខ ចៀសវាងការទារលុយ ឬទារនេះទារនោះ ពីប្រជាពលរដ្ឋមុនសង្គ្រោះ ត្រូវតែសង្គ្រោះអាយុជីវិតប្រជាពលរដ្ឋជាអាទិភាព មិនត្រូវដាក់លក្ខខណ្ឌជាមួយប្រជាពលរដ្ឋនោះទេ ។
គួរបញ្ជាក់ថា រថយន្តពន្លត់អគ្គិភ័យចំនួន៨៧គ្រឿង ត្រូវបានសម្តេចក្រឡាហោម ប្រគល់ដល់ស្នងការនគរបាលរាជធានី-ខេត្ត និងស្រុកមួយចំនួន ដែលពុំមានរថយន្តពន្លត់អគ្គិភ័យនោះនៅរដូវប្រាំងឆ្នាំនេះ គ្រប់អង្គភាពពន្លត់អគ្គិភ័យខេត្ត-ក្រុង និងមានរថយន្តពន្លត់អគ្គិភ័យ សម្រាប់ជួយដល់ប្រជាពលរដ្ឋនៅមូលដ្ឋាន ពេលជួបគ្រោះថ្នាក់ដោយអគ្គិភ័យ បានទាន់ពេលវេលា ។
ចែករំលែកព័តមាននេះ