ខេត្តព្រៃវែង ៖ បុរសម្នាក់ត្រូវបានចរន្តភ្លើងអគ្គីសនីឆក់រហូតដល់ស្លាប់បាត់បង់ជីវិត ពេល កំពុងតខ្សែភ្លើងចេញពីផ្ទះយកទៅឆក់ត្រីក្នុងស្រះ តែមិនទាន់បានឆក់ត្រីផង បែរជាភ្លាត់ស្នៀតឆក់ខ្លួនឯងស្លាប់ទៅវិញ។ ហេតុការណ៍នេះបានកើតឡើងកាលពីវេលាម៉ោង៩និង១០នាទីព្រឹក ថ្ងៃទី២១សីហា នៅចំណុចស្រះទឹកក្រោយផ្ទះជនរងគ្រោះ…
ខេត្តព្រៃវែង ៖ បុរសម្នាក់ត្រូវបានចរន្តភ្លើងអគ្គីសនីឆក់រហូតដល់ស្លាប់បាត់បង់ជីវិត ពេល កំពុងតខ្សែភ្លើងចេញពីផ្ទះយកទៅឆក់ត្រីក្នុងស្រះ តែមិនទាន់បានឆក់ត្រីផង បែរជាភ្លាត់ស្នៀតឆក់ខ្លួនឯងស្លាប់ទៅវិញ។ ហេតុការណ៍នេះបានកើតឡើងកាលពីវេលាម៉ោង៩និង១០នាទីព្រឹក ថ្ងៃទី២១សីហា នៅចំណុចស្រះទឹកក្រោយផ្ទះជនរងគ្រោះ ដែលស្ថិតក្នុងភូមិចាន់ ឃុំព្រៃកណ្តៀង ស្រុកពាមរក៌ ខេត្តព្រៃវែង។
ជនរងគ្រោះដែលស្លាប់ខាលើឈ្មោះ តូច សារ៉ាន អាយុ៣៥ឆ្នាំ មុខរបរជាកសិករ និងមានទីលំនៅក្បែរកន្លែងកើតហេតុ។
ប្រភពព័ត៌មានពីសមត្ថកិច្ចមូលដ្ឋានបានឱ្យដឹងថា មុនពេលកើតហេតុនោះ ជនរងគ្រោះបានតខ្សែភ្លើងចេញពីព្រីភ្លើងក្នុងផ្ទះ អូសយកទៅកាន់ស្រះទឹកខាងក្រោយផ្ទះ ក្នុងបំណងដើម្បីឆក់ត្រី ប៉ុន្តែពេលពង្រាយខ្សែភ្លើងទៅដល់មាត់ស្រះ មិនទាន់ទាំងបានដាក់ឆក់ត្រីផង បែរជារអិលជើងដួលធ្លាក់ចូលទឹកស្រះ ទាំងដៃកំពុងកាន់ខ្សែភ្លើង ធ្វើឱ្យចរន្តភ្លើងឆក់ជនរងគ្រោះរហូតបណ្តាលឱ្យស្លាប់ក្នុងស្រះទឹកនោះតែម្តង ដោយគ្មាននរណាម្នាក់បានឃើញ និងជួយសង្គ្រោះទាន់ភ្លាមៗនោះទេ។
បន្ទាប់ពីពិនិត្យរួច សពត្រូវបានសមត្ថកិច្ចប្រគល់ឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ