យី! អីក៏ហ៊ានម្ល៉េះ ដល់ពេលតាមទាន់ទើបដឹង
- តាកែវ
ខេត្តតាកែវ ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង៨និង៣០នាទីយប់ថ្ងៃទី២១ សីហា ២០១៨ នៅភូមិក្រាំងវិច ឃុំក្តាញ់ ស្រុកព្រៃកប្បាស់ ខេត្តតាកែវ…
ខេត្តតាកែវ ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង៨និង៣០នាទីយប់ថ្ងៃទី២១ សីហា ២០១៨ នៅភូមិក្រាំងវិច ឃុំក្តាញ់ ស្រុកព្រៃកប្បាស់ ខេត្តតាកែវ មានករណីលួចម៉ូទ័របូមទឹក របស់ប្រជាពលរដ្ឋសម្រាប់បូមដាក់ស្រូវ ប៉ុន្តែត្រូវបានសមត្ថកិច្ចស្រាវជ្រាវចាប់ចោរលួចនោះយកម៉ូទ័របូមទឹកមកវិញ ។
សេចក្តីរាយការណ៍បន្តថា ជនរងគ្រោះដែលជាម្ចាស់ម៉ូទ័រឈ្មោះ ម៉ី សុខា ភេទប្រុស អាយុ៤៥ ឆ្នាំ រស់នៅភូមិក្រាំងវិច ឃុំក្តាញ់ ស្រុកព្រៃកប្បាស ខេត្តតាកែវ ។ ចំណែកជនសង្ស័យចំនួន៣ នាក់ ប៉ុន្តែចាប់បាន២នាក់ទេ ម្នាក់រត់គេចខ្លួនទៅឆ្ងាយហើយ ។
ជនសង្ស័យដែលចាប់បានមានទី១ – ឈ្មោះ ទិត សុខ ភេទប្រុស អាយុ៣៧ឆ្នាំ និងទី២-ឈ្មោះ ប៉ែន ខេន ហៅវ៉េប ភេទប្រុស អាយុ៣៧ឆ្នាំ រស់នៅភូមិច្រនៀងខ្ពស់ ឃុំតាំងយ៉ាប ស្រុកព្រៃកប្បាស ខេត្តតាកែវ ។ ក្រោយចាប់ខ្លួនជនសង្ស័យត្រូវបានសមត្ថកិច្ចកសាងសំណុំរឿងតាមនីតិវិធី ៕
ចែករំលែកព័តមាននេះ