រាជធានីភ្នំពេញ ៖ កាលពីរសៀលថ្ងៃទី២១ សីហា កម្លាំងសមត្ថកិច្ចនគរបាលខណ្ឌទួលគោក បានធ្វើការបញ្ជូនជនជាតិចិនចំនួន៥នាក់ទៅកាន់សាលាដំបូងរាជធានីភ្នំពេញ ដែលជនជាតិចិនទាំង៥ នាក់នោះបានជាប់ពាក់ព័ន្ធថា បានប្រព្រឹត្តបទល្មើសចំនួន៣ករណី សុទ្ធជាបទល្មើសព្រហ្មទណ្ឌឧក្រិដ្ឋ។…
រាជធានីភ្នំពេញ ៖ កាលពីរសៀលថ្ងៃទី២១ សីហា កម្លាំងសមត្ថកិច្ចនគរបាលខណ្ឌទួលគោក បានធ្វើការបញ្ជូនជនជាតិចិនចំនួន៥នាក់ទៅកាន់សាលាដំបូងរាជធានីភ្នំពេញ ដែលជនជាតិចិនទាំង៥ នាក់នោះបានជាប់ពាក់ព័ន្ធថា បានប្រព្រឹត្តបទល្មើសចំនួន៣ករណី សុទ្ធជាបទល្មើសព្រហ្មទណ្ឌឧក្រិដ្ឋ។ ជនសង្ស័យ១.ឈ្មោះ LEE JUNG CHUEN ហៅ LAO LY ភេទប្រុស អាយុ៥២ឆ្នាំ ២.CHEN CHEN ហៅ PANG ZHI ភេទប្រុស អាយុ៣៤ឆ្នាំ ៣.ឈ្មោះ WANG XIANWEI ភេទប្រុស អាយុ២៣ឆ្នាំ ៤.ឈ្មោះ ZU ZHAN CIANG ភេទប្រុស អាយុ៣៦ឆ្នាំ និង៥.ឈ្មោះ ZHANG YOUNG JIAN ភេទប្រុស អាយុ២៧ឆ្នាំ។
ដើមចម នៃការឃាត់ខ្លួនជនសង្ស័យជាជនជាតិ៥នាក់នោះ ទៅកាន់សាលា ដំបូងរាជធានីភ្នំពេញ ត្រូវបានគេបង្ហើបឲ្យដឹងថា កាលពីវេលាម៉ោង២ និង ១៥នាទីរំលងអាធ្រាត្រ ថ្ងៃទី១៦ សីហា កម្លាំងសមត្ថកិច្ចនគរបាលខណ្ឌទួលគោក ទទួលបានពាក្យបណ្តឹងផ្ទាល់មាត់មួយ ពីជនរងគ្រោះជាជនជាតិចិនដូចគ្នាថា មានជនជាតិចិន១ក្រុម បាន និង កំពុងចាប់បង្ខាំងមនុស្ស នៅចំណុចអាគារសម្រាប់ជួល ដីឡូត៍លេខ២ ផ្លូវលេខ៣១៥ សង្កាត់បឹងកក់១។
ក្រោយពីទទួលបានបណ្តឹងផ្ទាល់មាត់នោះ នគរបាលជំនាញផ្នែកព្រហ្មទណ្ឌខណ្ឌ បានធ្វើការស្រាវជ្រាវជាបន្ទាន់ ដោយមានការសហការជាមួយនគរបាលខណ្ឌសែនសុខ កម្លាំងជំនាញការិយាល័យនគរបាលព្រហ្មទណ្ឌកម្រិតធ្ងន់រាជធានីភ្នំពេញ និង មានការសម្របសម្រួលពីសំណាក់ស្ថាប័នអយ្យការអមសាលាដំបូង នៅវេលាម៉ោង៨យប់ ថ្ងៃទី១៨ សីហា ឈានដល់ការឃាត់ខ្លួនជនសង្ស័យទាំង៥នាក់ខាងលើនេះ ។
ប្រភពព័ត៌មានបន្តថា ការឃាត់ខ្លួនជនសង្ស័យ ជាជនជាតិចិនទាំង៥ នាក់នោះបានរកឃើញបទល្មើសជាក់ស្តែង ចំនួន៣បទល្មើស ១.បទ កំហែងយក(គំរាមទារប្រាក់) ២.បទ លួច(លួចកាបូបលុយជនរងគ្រោះចំនួន២០ .០០០ដុល្លារអាមេរិក និងលិខិតឆ្លងដែនមួយក្បាល ។
៣.បទបង្ខាំងទុកធ្វើទារុណកម្មជំរិតទាប្រាក់ (យកដែកដងអំបោស កូនកាំបិតវះដៃ យកខ្សែចំណងពណ៌សចងជើងជនរងគ្រោះ ដោយធ្វើទារណកម្មលើជនរងគ្រោះ បណ្តាលឲ្យរងរបួសច្រើនកន្លែង គំរាមជំរិតទារប្រាក់ចំនួន២០០. ០០០យ័ន ដែលប្រព្រឹត្តនៅ៣ទីតាំងផ្សេងគ្នា។ ទីតាំងទី១.(បទល្មើសកំហែកយក)បានកើតឡើងកាលពី វេលាម៉ោង១១ និង១០នាទីយប់ថ្ងៃទី១២ សីហា នៅចំណុចបន្ទប់ផ្ទះជួលលេខ៩២ ផ្លូវ១៩ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ទីតាំងទី២.បទល្មើស(លួច) កើតហេតុកាលពីវេលាម៉ោង២ និង១៥នាទីរំលងអាធ្រាត្រថ្ងៃទី១៣ សីហា នៅចំណុចបន្ទប់លេខ៤០០ នៃសណ្ឋាគារ RAVER STA ដែលស្ថិតនៅផ្លូវលេខ១១៨ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។ និងទីតាំងទី៣.បទល្មើស(បង្ខាំងទុកជំរិតទារប្រាក់) កើតហេតុកាលពីវេលាម៉ោងប្រហែល២ និង៤០នាទីរំលងអាធ្រាត្រយប់ថ្ងៃទី១៦ សីហា នៅចំណុចអាគារសម្រាប់ជួល ដីឡូត៍លេខ២ ផ្លូវ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ ។
មន្ត្រីនគរបាលបានបង្ហើបឲ្យដឹងថា ដោយយោងទៅលើពាក្យបណ្តឹងផ្ទាល់មាត់ និង ជាករណីបង្ក្រាបជាក់ស្តែង រួមទាំងចម្លើយជនសង្ស័យទាំង៥ នាក់មានភាពស៊ីសង្វាក់ប្រហាក់ប្រហែលគ្នា សមត្ថកិច្ចនគរបាលខណ្ឌទួលគោក បានសន្មត់ការចោទប្រកាន់ចំនួន៣ បទល្មើស ដូចបានរៀបរាប់ខាងលើនេះ។ បន្ទាប់មកជនសង្ស័យក៏ត្រូវបានកសាងសំណុំរឿង បញ្ជូនទៅកាន់សាលាដំបូងរាជធានីភ្នំពេញ តាមផ្លូវច្បាប់ ។
ហើយសំណុំរឿងនេះបាន និងកំពុងស្ថិតនៅដៃ តំណាងអយ្យការធ្វើការសាកសួរនៅឡើយទេ នារសៀលថ្ងៃទី២១ សីហា នេះ និង មិនទាន់បានសាកសួរជាផ្លូវការផង ដោយសារខ្វះអ្នកបកប្រែភាសាចិន ដូច្នោះជនសង្ស័យត្រូវបានសមត្ថកិច្ច នាំទៅគ្រប់គ្រងនៅអធិការដ្ឋាននគរបាលខណ្ឌទួលគោកវិញ ដើម្បីរង់ចាំបន្តនីតិវិធី៕
https://youtu.be/oi8Tqb66czc
ចែករំលែកព័តមាននេះ