រាជធានីភ្នំពេញ ៖ ជនសង្ស័យ២នាក់បានចេញធ្វើសកម្មភាពលួចម៉ូតូ ហើយខណៈនោះបានប្រទះឃើញ ម៉ូតូ១គ្រឿង ម៉ាកហុងដាឌ្រីមសេ១២៥ ដែលម្ចាស់បញ្ឈរនៅចំណុចខាងមុខផ្ទះ រវល់តែលីស៊ីម៉ង់ត៍ចូលទៅក្នុងផ្ទះ ដោយភ្លេចដកសោចេញ ជននោះក៏បានឡើងកាច់សោបញ្ឆេះជិះរត់គេចខ្លួន។…
រាជធានីភ្នំពេញ ៖ ជនសង្ស័យ២នាក់បានចេញធ្វើសកម្មភាពលួចម៉ូតូ ហើយខណៈនោះបានប្រទះឃើញ ម៉ូតូ១គ្រឿង ម៉ាកហុងដាឌ្រីមសេ១២៥ ដែលម្ចាស់បញ្ឈរនៅចំណុចខាងមុខផ្ទះ រវល់តែលីស៊ីម៉ង់ត៍ចូលទៅក្នុងផ្ទះ ដោយភ្លេចដកសោចេញ ជននោះក៏បានឡើងកាច់សោបញ្ឆេះជិះរត់គេចខ្លួន។ ប៉ុន្តែខណៈនោះ ត្រូវបានម្ចាស់ឃើញទាន់ ក៏បានខ្ចីម៉ូតូអ្នកជិតខាងជិះដេញតាម និងស្រែកថាចោរៗ បង្កការភ្ញាក់ផ្អើលដល់កម្លាំង នគរបាលខណ្ឌដង្កោចេញពួនស្ទាក់ចាប់បានទាំង២នាក់តែម្ដង។
ហេតុការណ៍នោះបានកើតឡើង កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី២១ ខែសីហា ឆ្នាំ២០១៨ នៅតាមបណ្តោយផ្លូវលេខ២១៧ ហៅផ្លូវចំការដូង ស្ថិតនៅក្នុងភូមិតាឡី សង្កាត់ដង្កោ ខណ្ឌដង្កោរាជធានីភ្នំពេញ។ ជនសង្ស័យខាងលើនោះ ម្នាក់ឈ្មោះ ស្រី សំណាង អាយុ២៥ឆ្នាំ មុខរបរ និងការស្នាក់នៅមិនពិតប្រាកដ និងម្នាក់ទៀតឈ្មោះ អ៊ុន សម្បត្តិ អាយុ៤២ឆ្នាំ ស្នាក់នៅក្នុងខណ្ឌច្បារអំពៅ មុខរបរមិនពិតប្រាកដដែរ។
ដោយឡែកម៉ូតូដែលជននេះលួចយក មិនបានសម្រេចនោះម៉ាកហុងដាឌ្រីមសេ១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ កំពង់ស្ពឺ 1J-3924 ដែលជាកម្មសិទ្ធិរបស់យុវជនម្នាក់ឈ្មោះ អ៊ុក សារ៉ាត់ អាយុ២៣ឆ្នាំស្នាក់នៅក្នុងបុរីចំការដូង សង្កាត់ដង្កោ ខណ្ឌដង្កោ។ ម្ចាស់ម៉ូតូខាងលើបានប្រាប់ឲ្យដឹងថា នៅមុនពេលកើតហេតុរូបគាត់បានជិះម៉ូតូទៅរកទិញស៊ីម៉ង់ត៍ មួយបាវ នៅផ្ទះលក់គ្រឿងសំណង់ដើម្បីដឹកយកទៅប្រើប្រាស់នៅផ្ទះ។
លុះពេលទិញបានគាត់បានដឹកយកទៅផ្ទះ ហើយបន្ទាប់មក គាត់បានឈប់ចតម៉ូតូនៅមុខផ្ទះរួចចុះលីស៊ីម៉ង់ត៍ដើរចូលផ្ទះដោយភ្លេចដកសោចេញពីម៉ូតូ។ ក៏ស្រាប់តែលេចមុខជនសង្ស័យ២នាក់ជិះម៉ូតូសេ១២៥ ស៊េរីឆ្នាំ២០១៨ ពណ៌ខ្មៅ ពាក់ស្លាកលេខ ភ្នំពេញ 1GU-8356 ហើយជនសង្ស័យដែលជិះខាងក្រោយបានចុះពីលើម៉ូតូបក្ខពួក របស់ខ្លួនឡើងបញ្ឆេះម៉ូតូជនរងគ្រោះ ជិះរត់គេចខ្លួន។
ភ្លាមៗនោះគាត់ក៏បានខ្ចីម៉ូតូអ្នកជិតខាងដេញតាមចាប់ និងស្រែកថាចោរៗ បង្កការភ្ញាក់ផ្អើល ដល់នគរបាលខណ្ឌដង្កោជិះដេញស្ទាក់ចាប់បានជនសង្ស័យទាំង២នាក់ និងដកហូតម៉ូតូជនរងគ្រោះ និងម៉ូតូជនសង្ស័យ ហើយរកឃើញថ្នាំញៀន១កញ្ចប់តូច ព្រមទាំងសោ សម្រាប់កាច់កម៉ូតូចំនួន២កំប្លេទៀតផង។ បន្ទាប់មកបាននាំទៅសាកសួរនៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងចាត់ការតាមច្បាប់៕
https://youtu.be/6CIg8QFKiH4
ចែករំលែកព័តមាននេះ