ខេត្តកំពង់ធំ ៖ ករណីក្មេងស្រីម្នាក់បានខ្យល់គលង់ទឹកទន្លេស្លាប់ បានបង្កឲ្យមានការភ្ញាក់ផ្អើលកាលពីវេលាម៉ោង៣ និង៣០នាទី រសៀលថ្ងៃទី២០ ខែសីហា ឆ្នាំ២០១៨ ស្ថិតនៅភូមិនាងសាវ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។
សមត្ថកិច្ចប្រាប់ថា ជនរងគ្រោះឈ្មោះ គីម រ៉ា ភេទស្រី អាយុ១៦ឆ្នាំ រស់នៅភូមិ/ឃុំកើតហេតុខាងលើ បើតាមប្រភពព័ត៌មានពីសាច់ញាតិបានឲ្យដឹងថា នៅរសៀលមុនពេលកើតហេតុ គេឃើញជនរងគ្រោះចុះងូតទឹក ទន្លេតែម្នាក់ឯងមួយសន្ទុះធំ។ ដោយមិនឃើញនាងឡើងគោកមកវិញ និងមានការសង្ស័យ សាច់ញាតិក៏នាំគ្នា ទៅមើលមិនឃើញ ក៏នាំគ្នាមុជទឹករាវរកស្រាប់តែឃើញនាងលង់ទឹកស្លាប់បាត់ទៅហើយ។
សង្ស័យជនរងគ្រោះ ខ្យល់គបណ្តាលឲ្យលង់ស្លាប់ ពីព្រោះបើមិនខ្យល់គទេនោះ នាងមិនអាចលង់ទឹកបានទេ ធម្មតាអ្នករស់នៅទន្លេ សុទ្ធតែជំនាញខាងហែលទឹក។ ក្រោយទទួលបានព័ត៌មាននេះ សមត្ថកិច្ចយើងបានចុះពិនិត្យធ្វើកោសល្យវិច្ច័យ លើសាកសព ពុំមានស្លាកស្នាមអ្វីពាក់ព័ន្ធនឹងអំពើឃាតកម្មនោះទេ ទើបសន្និដ្ឋានថា ក្មេងស្រីរងគ្រោះពិតជា លង់ទឹកស្លាប់ប្រាកដមែន និងបានប្រគល់សាកសពឲ្យសាច់ញាតិក្រុមគ្រួសារចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ