ស្ត្រីដៃរហ័សធ្វើសកម្មភាពច្រើនលើក គេចមិនផុតពីគុក
- កណ្តាល
ខេត្តកណ្តាល ៖ នៅព្រឹកថ្ងៃទី២១ សីហា ២០១៨ លោក អុី សុវណ្ណ ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួននារីម្នាក់ជាកម្មកររោងចក្រ…
ខេត្តកណ្តាល ៖ នៅព្រឹកថ្ងៃទី២១ សីហា ២០១៨ លោក អុី សុវណ្ណ ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួននារីម្នាក់ជាកម្មកររោងចក្រ…
ខេត្តកណ្តាល ៖ នៅព្រឹកថ្ងៃទី២១ សីហា ២០១៨ លោក អុី សុវណ្ណ ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួននារីម្នាក់ជាកម្មកររោងចក្រ បានបែកគំនិតក្លាយជាជនសង្ស័យដើរវះកាបូបយកលុយយ៉ាងសកម្មចំនួន៥លើកមកហើយ ត្រូវបាននគរបាលស្រុកមុខកំពូលក្របួចជាប់ ពីបទ
«លួច» ដែលប្រព្រឹត្តនៅភូមិកណ្ដាល ឃុំព្រែកអញ្ចាញ ស្រុកមុខកំពូល ខេត្តកណ្តាល កាលពីថ្ងៃទី១៨ សីហា ២០១៨ តាមមាត្រា៣៥៣ និងមាត្រា៣៥៦ នៃក្រមព្រហ្មទណ្ឌ។ បទល្មើសនេះត្រូវផ្តន្ទាទោសពី៦(ប្រាំមួយ)ខែ ទៅ៣(បី)ឆ្នាំ និងពិន័យជាប្រាក់១.០០០.០០០ (មួយលានរៀល) ទៅ ៦.០០០.០០០( ប្រាំមួយលាន)រៀល។
ជនត្រូវចោទខាងលើឈ្មោះឈុន ហួយ ភេទស្រី អាយុ២៤ឆ្នាំ ទីលំនៅសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។ ជនរងគ្រោះឈ្មោះឆាយ សុខនី ភេទស្រីអាយុ៤៤ឆ្នាំ នៅភូមិប្រាំ យ៉ាម ឃុំប្រាំយ៉ាម ស្រុកស្រីសន្ធរ ខេត្តកំពង់ចាម មុខរបរកម្មកររោងចក្រ។
សូមបញ្ជាក់ផងដែរថា កន្លងមកជនសង្ស័យខាងលើធ្លាប់ធ្វើសកម្មភាពវះកាបូបយកលុយគេបានចំនួន៥លើក ជាមួយបក្ខពួកម្នាក់ទៀតឈ្មោះស្រីពៅ ដែលមិនស្គាល់ទីលំនៅពិតប្រាកដ។
ក្រោយពីធ្វើការសាកសួរ ជនសង្ស័យឈ្មោះឈុន ហួយ បានសារភាពថា ខ្លួននិងជនសង្ស័យឈ្មោះស្រី ពៅ បានធ្វើសកម្មភាពវះកាបូបលួចប្រាក់ជនរងគ្រោះពិតប្រាកដមែន។ សំភារៈបាត់បង់រួមមាន ប្រាក់ចំនួន១២០០ដុល្លារ និងប្រាក់១៤០០០០០រៀល។ វត្ថុតាងចាប់យកបានមាន ប្រាក់ចំនួន៩០០ដុល្លារ ប្រាក់ចំនួន១៥០០០០រៀល សៀវភៅបញ្ជីលុយចំនួន២ក្បាល និងកាបូបជ័រមានដៃយួរពណ៌សចំនួនមួយមានស្នាមរហែកបណ្ដោយមួយចំហៀង ៕
ចែករំលែកព័តមាននេះ