ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា បុរស-ស្ត្រីជាប្រពន្ធនឹងគ្នា ស្លាប់យ៉ាងរន្ធត់ក្នុងហេតុការណ៍បំផ្ទុះគ្រាប់បែក ដែលសង្ស័យអត្តឃាតខ្លួនឯង បង្កការភ្ញាក់ផ្អើលកាលពីរសៀលថ្ងៃទី២១ សីហា នេះ ស្ថិតនៅមុខផ្ទះក្នុងភូមិពូទុង…
ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា បុរស-ស្ត្រីជាប្រពន្ធនឹងគ្នា ស្លាប់យ៉ាងរន្ធត់ក្នុងហេតុការណ៍បំផ្ទុះគ្រាប់បែក ដែលសង្ស័យអត្តឃាតខ្លួនឯង បង្កការភ្ញាក់ផ្អើលកាលពីរសៀលថ្ងៃទី២១ សីហា នេះ ស្ថិតនៅមុខផ្ទះក្នុងភូមិពូទុង ឃុំចុងផ្លាស ស្រុកសីមា ខេត្តមណ្ឌលគិរី ។
សេចក្តីរាយការណ៍បន្តថា ជនរងគ្រោះទាំង២នាក់ត្រូវបានស្គាល់ ប្តីឈ្មោះសុីម ធីប អាយុ៣៧ឆ្នាំ មានស្រុកកំណើតនៅទឹកដីខេត្តព្រៃវែង និងប្រពន្ធឈ្មោះនឿន ឡែន អាយុ៣២ឆ្នាំ មានស្រុកកំណើតខេត្តកំពង់ឆ្នាំង
បើតាមលោកវ៉ាន់ ដានីន អធិការនគរបាលស្រុកកែវសីមាបានឱ្យដឹងដែរថា ខណៈពេលនេះ កម្លាំងកំពុងធ្វើការសើុបអង្កេត ដើម្បីដឹងពីមូលហេតុ ។ ដោយឡែក អ្នកភូមិពូទុងក៏បានឱ្យដឹងដែរថា ជនរងគ្រោះជាប្រពន្ធ ធ្លាប់ប៉ុនប៉ងសម្លាប់ខ្លួន៣ដងតែមិនបានសម្រេច ព្រោះតែប្តីតែងតែរកឈ្លោះប្រកែកខ្លាំងពេក ។
សមត្ថកិច្ចបានសន្និដានជំហានដំបូងក្រៅផ្លូវការថា គ្រាប់ដែលជនរងគ្រោះយកមកបំផ្ទុះសម្លាប់ខ្លួននេះ អាចជាប្រភេទគ្រាប់បែកកែច្នែ ដោយនៅតំបន់ខាងលើជាតំបន់ធ្វើរ៉ែមាស សំបូរគីប ម្ស៉ៅ និងរំសេវ ដូច្នេះជនរងគ្រោះ អាចវិធីនេះដើម្បីបញ្ចប់ជីវិត។ ទោះជាយ៉ាងណា ក្នុងករណីបំផ្ទុះគ្រាប់បែកធ្វើអត្តឃាតនេះ នគរបាលកំពុងស្រាវជ្រាវបន្ត ។
ព័ត៌មានបន្ថែមនឹងមានផ្សាយជូននៅពេលក្រោយ ។
ចែករំលែកព័តមាននេះ