ប្រទេសអាហ្វហ្គានីស្ថាន ៖ គ្រាប់រ៉ុក្កែតជាច្រើនគ្រាប់ត្រូវបានបាញ់ដាក់លើទីក្រុងកាប៊ុលរដ្ឋធានីអាហ្វហ្គានីស្ថាន ហើយការប្រយុទ្ធគ្នាប្រព្រឹត្តទៅក្នុងទីក្រុងនេះ នាព្រឹកថ្ងៃទី២១ សីហា ខណៈពួកតាលីបង់នៅពុំទាន់ឆ្លើយតបនៅឡើយសំណើឈប់បាញ់គ្នារបស់ប្រធានាធិតីលោក ASHRAF GHANI ។…
ប្រទេសអាហ្វហ្គានីស្ថាន ៖ គ្រាប់រ៉ុក្កែតជាច្រើនគ្រាប់ត្រូវបានបាញ់ដាក់លើទីក្រុងកាប៊ុលរដ្ឋធានីអាហ្វហ្គានីស្ថាន ហើយការប្រយុទ្ធគ្នាប្រព្រឹត្តទៅក្នុងទីក្រុងនេះ នាព្រឹកថ្ងៃទី២១ សីហា ខណៈពួកតាលីបង់នៅពុំទាន់ឆ្លើយតបនៅឡើយសំណើឈប់បាញ់គ្នារបស់ប្រធានាធិតីលោក ASHRAF GHANI ។
តាមសាក្សីទាំងឡាយថា គ្រាប់រ៉ុក្កែតយ៉ាងតិច១០គ្រាប់ធ្លាក់លើរដ្ឋធានី ហើយគេឃើញបណ្ដាឧទ្ធម្ភាគចក្រយោធាកំពុងបាញ់ក្បែរព្រះវិហារអ៊ិស្លាមមួយនៃក្រុងកាប៊ុលចាស់ រួចគេឃើញវត្តមានកងកម្លាំងសន្តិសុខនៅជិតស្តាតរដ្ឋធានី។
លោកណាជីបដានីស អ្នកនាំពាក្យក្រសួងមហាផ្ទៃអាហ្វហ្គានីស្ថានថ្លែងថា ពួកភេរវករមួយក្រុមលុកដណ្ដើមកាន់កាប់អគារមួយនៅ REKA KHANA តំបន់ទីក្រុងចាស់ហើយបាញ់គ្រាប់រ៉ុក្កែតជាច្រើនគ្រាប់សំដៅក្រុងកាប៊ុល។ ចំណែកកងកម្លាំងសន្តិសុខកំពុងតែប្រយុទ្ធជាមួយពួកភេរវករ។
ចំណែកអ្នកនាំពាក្យប៉ូលិសក្រុងកាប៊ុលអះអាងថា ការប្រយុទ្ធគ្នាកំពុងប្រព្រឹត្តទៅនៅជិតព្រះវិហារមួយ រួចប៉ូលិសឡោមព័ទ្ធតំបន់នោះ។ នៅពុំទាន់មានតុល្យការណាមួយត្រូវបានផ្ដល់ឲ្យនៅឡើយ៕
ចែករំលែកព័តមាននេះ