ប្រទេសកូរ៉េទាំង២ ៖ មនុស្សចាស់កូរ៉េខាងត្បូង ដែលមានវ័យលើសពី៨០ឆ្នាំទៅច្រើនសិបនាក់ កាលពីថ្ងៃទី២០ សីហា បានធ្វើដំណើរមកកាន់កូរ៉េខាងជើង ដើម្បីជួបជុំសាច់ញាតិដែលព្រាត់គ្នាចាប់តាំងពីសង្គ្រាមកូរ៉េឆ្នាំ១៩៥០-១៩៥៣មក ។
ពិធីជួបជុំសាច់ញាតិព្រាត់គ្នាថ្មីនេះ ទើបមានទៀតចាប់តាំងពី៣ឆ្នាំមកហើយ ប្រព្រឹត្តទៅនៅទីតាំងទេសចរណ៍ភ្នំ KUMGANG កូរ៉េខាងជើង។ បែបនេះជាការបង្ហាញថែមទៀតពីភាពធូរស្រាលគួរឲ្យកត់សម្គាល់រវាងកូរ៉េខាងជើងនិងកូរ៉េខាងត្បូង ក្រោយភាពតានតឹងរយៈពេលច្រើនឆ្នាំ មកពីកម្មវិធីនុយក្លេអ៊ែរនិងបាលីស្ទិករបស់ក្រុងព្យុងយ៉ាង ។
មនុស្សច្រើនលាននាក់បានព្រាត់ប្រាស់គ្នាដោយសារជម្លោះ ដែលពុះបំបែកឧបទ្វីបកូរ៉េ។ពុំទាន់មានសន្ធិសញ្ញាសន្តិភាពណាមួយត្រូវបានចុះហត្ថលេខារវាងកូរ៉េទាំង២នៅឡើយ រួចការទាក់ទងគ្នាខាងផ្នែកសីុវិលមានការរិតត្បិតបំផុត។ចាប់តាំងពីឆ្នាំ២០០០មក កូរ៉េទាំង២បានរៀបចំពិធីជួបជុំសាច់ញាតិព្រាត់គ្នា ចំនួន២០លើកពេលមានការកែលម្អទំនាក់ទំនងទ្វេភាគី។ប៉ុន្តែ៦៥ឆ្នាំក្រោយយុទ្ធសន្តិភាព សម្រាប់សាច់ញាតិព្រាត់គ្នាអាយុពួកគេកាន់តែចាស់ រួចភាគច្រើនបានស្លាប់បាត់។
ជនជាតិកូរ៉េខាងត្បូង៨៩នាក់ចាប់ឆ្នោតសម្រាប់បានមកជួបជុំសាច់ញាតិលើកនេះដោយពួកគាត់សុទ្ធតែមានវ័យលើសពី៨០ឆ្នាំ ហើយអ្នកចាស់ជាងគេគឺលោកតាម្នាក់មានវ័យ១០១ឆ្នាំទៅហើយ។ពួកគាត់ធ្វើដំណើរតាមរថយន្តបឺស១៤គ្រឿងអមដោយប៉ូលិស និងក្រុមបុគ្គលិកពេទ្យមកកាន់កូរ៉េខាងជើង។ពួកគាត់ទោះចាស់ជរាខ្លះពុំសូវជា ហើយមួយចំនួនជិះលើកៅអីមានកង់ ពួកគាត់ហាក់មានទឹកមុខរីករាយ។ពីថ្ងៃទី២០មក២២សីហាពួកគាត់ មានពេលជួបសាច់ញាតិប្រមាណជា១១ម៉ោង ដោយមានការតាមឃ្លាំមើលរបស់ពួកភ្នាក់ងារកូរ៉េខាងជើង មុនពេលបែកគ្នាប្រហែលជារៀងរហូតហើយ ៕
ចែករំលែកព័តមាននេះ