ខេត្តពោធិ៍សាត់ ៖ សមត្ថកិច្ចនគរបាលស្រុកវាលវែងបានធ្វើការឃាត់ខ្លួនមុខសញ្ញាចំនួន៥នាក់និងថ្នាំញៀន១៤កញ្ចប់ កាលពីថ្ងៃទី១៨-១៩ ខែសីហា ឆ្នាំ២០១៨ ក្នុង៣ករណីផ្សេងគ្នា ។
សមត្ថកិច្ចឲ្យដឹងថា វេលាម៉ោង០៨និង១៥នាទីព្រឹក ថ្ងៃទី១៨ ខែសីហា ឆ្នាំ២០១៨ ឃាត់ខ្លួនម្នាក់ឈ្មោះ ហាង សុធីរះ ភេទប្រុស អាយុ២៤ឆ្នាំ នៅភូមិកណ្ដាល ឃុំក្បាលត្រាចស្រុកក្រគរ ។ នៅថ្ងៃដដែលនោះវេលាម៉ោង១១និង៣០នាទីព្រឹក ឃាត់ខ្លួន២នាក់បន្ថែមទៀត នៅភូមិស្ទឹងថ្មី ឃុំប្រមោយ ស្រុកវាលវែងមានទី១-ឈ្មោះ ហេង ពិសិដ្ឋ ភេទប្រុស អាយុ៣៤ឆ្នាំ និងទី២-ឈ្មោះ ម៉ាន រ៉ូហ្សា ភេទប្រុស អាយុ២៣ឆ្នាំ ។ ទាំង២នាក់ជាជនជាតិខ្មែរអ៊ីស្លាមរស់នៅភូមិ-ឃុំកើតហេតុខាងលើ ។ ឃាត់ខ្លួនរួមនឹងវត្ថុតាងថ្នាំញៀនចំនួន៧កញ្ចប់តូច ទម្ងន់០,៨៥ក្រាម និងឧបករណ៍ជក់មួយចំនួនទៀត ។
នៅវេលាម៉ោង០៨ព្រឹក ថ្ងៃទី១៩ ខែសីហា ឆ្នាំ២០១៨ ឃាត់ខ្លួន២នាក់ទៀតនៅភូមិប្រមោយឃុំប្រមោយស្រុកវាលវែងទី១-ឈ្មោះ ផ្អ សំអែម ភេទប្រុស អាយុ១៩ឆ្នាំ និងទី២-ឈ្មោះ ចក់ ទូច ភេទប្រុស អាយុ២០ឆ្នាំ ។ ទាំង២នាក់នេះរស់នៅភូមិ-ឃុំកើតហេតុខាងលើ ។ ឃាត់ខ្លួនរួមនឹងវត្ថុតាងថ្នាំញៀន៧កញ្ចប់ ។
មុខសញ្ញាទាំង៥នាក់ និងវត្ថុតាងសមត្ថកិច្ចបានកសាងសំណុំរឿងបញ្ជូនទៅសាលាដំបូងដើម្បីចាត់ការបន្តតាមនីតិវិធី ៕
ចែករំលែកព័តមាននេះ