ក្រុមអ្នកសង្កេតការណ៍របស់អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា អនុរក្ស
គណៈកម្មការទាំងអស់ បានរឹតបន្តឹងជាខ្លាំង មិនខុសពីឆ្នាំមុនៗឡើយ ។ បេក្ខជនដែលទៅប្រឡងគ្រប់មណ្ឌលត្រូវបានត្រួតពិនិត្យគ្រប់ចន្លោះកន្លៀតគ្មានសល់ ។
សិស្សប្រុសម្នាក់ ត្រូវគេស្ទាបចំពីមុខ ព្រោះឃើញប៉ោងទុលៗខោ ព្រោះដើម្បីធានាឱ្យបានថា បេក្ខជនមិនអាចយកអ្វី ដែលក្រសួងបានហាមឃាត់ចូលទៅក្នុងមណ្ឌលប្រឡងបានឡើយ ។
បេក្ខជនដែលពាក់ស្បែកជើងប៉ាត់តាត្រូវបានអ្នកសង្កេតការណ៍ឱ្យដោះចេញដើម្បីពិនិត្យ ហើយបេក្ខជនណាដែលមានស្រោមជើងកវែង ក៏ត្រូវឱ្យដោះចេញពិនិត្យដែរ ក្រែងមានលួចលាក់សំណៅឯកសារណាមួយ ។
អ្វីដែលគួរឱ្យកោតសរសើរនោះ ទាំងបេក្ខជនប្រឡងទាំងស្រី ទាំងប្រុស ពុំមានបង្កប់ឯកសារ និងឧបករណ៍អេឡិចត្រនិកណាមួយចូលឡើយ ពោលគឺមានសណ្ដាប់ធ្នាប់ និងរបៀបរៀបរយល្អ។ ចំណែកឯនៅខាងក្រៅមណ្ឌលប្រឡងមានកងកម្លាំងសមត្ថកិច្ចនៅរក្សាសណ្ដាប់ធ្នាប់ ។
តាមប្រសាសន៍លោកទេសរដ្ឋមន្ត្រី ហង់ជួន ណារ៉ុន បានថ្លែងនៅវិទ្យាល័យព្រះស៊ីសុវត្ថិនាព្រឹកថ្ងៃប្រឡងដំបូងនេះឱ្យដឹងថា នេះជាឆ្នាំទី៥ហើយ ដែលក្រសួងអប់រំបានធ្វើកំណែទម្រង់លើការប្រឡងមធ្យមសិក្សាទុតិយភូមិ។
ក្នុងឆ្នាំនេះមានបេក្ខជនដែលចូលរួមប្រឡងមានរហូតដល់ ១១៧ ០៦១នាក់ និងមានមណ្ឌលប្រឡងចំនួន១៩៥មណ្ឌល ចែកចេញជា ៤ ៧១៦បន្ទប់ នៅរាជធានី-ខេត្តទាំង២៥ ៕
ចែករំលែកព័តមាននេះ