ខេត្តកំពត ៖ ប្រជាពលរដ្ឋចំនួន៨៤គ្រួសារមកពីភូមិអង្គ្រង ឃុំត្រពាំងភ្លាំង ស្រុកឈូក បានជិះរថយន្តឈ្នូលមកឈប់សម្រាកនៅក្រោមម្លប់ឈើនៅមុខសាលាខេត្តកំពតកាលពីព្រឹកថ្ងៃទី២០ ខែសីហា ឆ្នាំ២០១៨ ។ ប្រជាពលរដ្ឋដែលស្ទាក់ចាំជួបលោកអភិបាលខេត្តរយៈពេលពេញមួយព្រឹកនោះ…
ខេត្តកំពត ៖ ប្រជាពលរដ្ឋចំនួន៨៤គ្រួសារមកពីភូមិអង្គ្រង ឃុំត្រពាំងភ្លាំង ស្រុកឈូក បានជិះរថយន្តឈ្នូលមកឈប់សម្រាកនៅក្រោមម្លប់ឈើនៅមុខសាលាខេត្តកំពតកាលពីព្រឹកថ្ងៃទី២០ ខែសីហា ឆ្នាំ២០១៨ ។
ប្រជាពលរដ្ឋដែលស្ទាក់ចាំជួបលោកអភិបាលខេត្តរយៈពេលពេញមួយព្រឹកនោះ គឺពួកគាត់មិនបានជួបទេ ដោយមានលោក ង៉ែត សាវៀន អនុប្រធានក្រុមការងារថ្នាក់រដ្ឋបាលខេត្តកំពត និងលោក ស៊ុយ ធា ប្រធានមន្ទីរបរិស្ថានខេត្តកំពតផងដែរចេញមុខមកជួបប្រជាពលរដ្ឋ ។
ពលរដ្ឋមួយរូបឈ្មោះ ខៀវ ស្រី មកពីភូមិអង្គ្រងបាននិយាយប្រាប់អោយដឹងថា ប្រជាពលរដ្ឋ៨៤គ្រួសារនេះ ខាងមន្ត្រីជំនាញខេត្តបានចេញដីសម្រាប់សងផ្ទះរួចអស់ហើយ ប៉ុន្តែដីសម្រាប់ធ្វើស្រែមិនទាន់មានទេ តែកាលលោក ខូយ ឃុនហ៊ូ ជាអភិបាលខេត្តបានសន្យាជាមួយពួកគាត់ថា ខាងខេត្តនឹងចេញដីអោយពលរដ្ឋបន្ថែមទៀតសម្រាប់ធ្វើស្រែ ។
ពលរដ្ឋដដែលនិយាយថា មន្ត្រីផ្សេងៗនៅតែអះអាងថា ចាំបោះឆ្នោតហើយចាំចែកជូន អ្នកថាចាំបោះឆ្នោតហើយចាំចែកដីនេះមិនមែនថា អាណត្តិនេះទេ តាំងពីអាណត្តិមុខៗមកម្ល៉េះ ។
អ្នកភូមិអង្គ្រងម្នាក់ទៀតឈ្មោះ ឆេង ខេន ភេទប្រុស អាយុ៥៧ឆ្នាំ និយាយថា ពួកគាត់មកនេះបំណងចង់ជួបលោកអភិបាលខេត្តអោយគាត់ជួយគិតគូដល់ពលរដ្ឋខ្វះដីកសិកម្ម ព្រោះពេលមុនថាអោយ តែបែរជាប្រគល់ឱ្យក្រុមហ៊ុនគេយកទៅវិញ បើមិនជឿទេ សូមអោយថ្នាក់ដឹកនាំចុះទៅពិនិត្យទៅ ។
លោក ង៉ែត សាវឿន អនុប្រធានក្រុមការងារខេត្តកំពតបានប្រាប់អោយដឹងនៅល្ងាចថ្ងៃទី២០ ខែសីហា ថាខាងរដ្ឋបាលខេត្តបង្កើតគណៈកម្មាការបន្ទាន់មួយចុះទៅពិនិត្យជាក់ស្ដែងដល់លំនៅដ្ឋានពួកគាត់ថា រឿងណឹងជារឿងពិត ឫក៏យ៉ាងណា?
ចែករំលែកព័តមាននេះ