អាយុសង្ខារសត្វលោកយើងនេះខ្លីណាស់ អ្នកដែលមានអាយុពីចន្លោះ៧០ទៅ៨០ឆ្នាំ ចាត់ថាជាអ្នកមានអាយុវែងទៅហើយ គឺមិនច្រើនទេ ចំណែកឯមនុស្សដែលស្លាប់មុននេះទើបមានច្រើនជាង ។ ជាមួយគ្នានេះអ្នកដែលកើតមកយូរហើយ ត្រូវដឹងថា អាយុរបស់ខ្លួនកំពុងស្រកស្រុតចុះទៅជាលំដាប់ គឺកាន់តែអស់ទៅហើយ…
អាយុសង្ខារសត្វលោកយើងនេះខ្លីណាស់ អ្នកដែលមានអាយុពីចន្លោះ៧០ទៅ៨០ឆ្នាំ ចាត់ថាជាអ្នកមានអាយុវែងទៅហើយ គឺមិនច្រើនទេ ចំណែកឯមនុស្សដែលស្លាប់មុននេះទើបមានច្រើនជាង ។
ជាមួយគ្នានេះអ្នកដែលកើតមកយូរហើយ ត្រូវដឹងថា អាយុរបស់ខ្លួនកំពុងស្រកស្រុតចុះទៅជាលំដាប់ គឺកាន់តែអស់ទៅហើយ ប្រៀបដូចដាក់ទឹកមួយកែវដែលនៅកណ្តាលថ្ងៃពីមួយខណៈទៅមួយខណៈទឹកនោះនឹងស្រកបន្តិចម្តងៗអ៊ីចឹងយ៉ាងណា អាយុជីវិតរបស់មនុស្សយើងក៏មានសភាពយ៉ាងនោះដែរ ។
ប៉ុន្តែមនុស្សភាគច្រើនមិនចូលចិត្តឲ្យខ្លួនចាស់ឡើយ នៅពេលនឹកដល់រឿងចាស់ពេលណាក៏កើតទុក្ខ ព្រោះខ្លាចអស់ស្អាត ខ្លាចគេលែងស្រឡាញ់ ដូច្នេះហើយ ទើបខំព្យាយាមបិទបាំងនូវសភាពចាស់របស់ខ្លួន ប្រឹងប្រែងកែច្នៃសព្វបែបយ៉ាងធ្វើយ៉ាងណាដើម្បិបិទបាំងក្រសែភ្នែកអ្នកដទៃ ឱ្យគេមើលឃើញនៅតែស្អាត នៅតែក្មេង តែតាមពិតមិនមែនជាធម្មជាតិទេ គឺសុទ្ធតែជារឿងកាឡៃសោះ ។
ទោះបីជាយ៉ាងនេះក្តី ភាពចាស់ជរាវាមិនបាត់ទៅណាឡើយ ទីបំផុត ការបិទបាំងក៏លែងមានប្រសិទ្ធភាព ចំណែកភាពចាស់ជរាចូលមកគ្របសង្កត់រាងកាយសន្ធប់សន្សឹមៗទៅរកឈាបនដ្ឋានគ្រប់គ្នា ពេលនោះសេចក្តីទុក្ខសង្វេគកើតឡើងកាន់តែខ្លាំង។ ដូច្នេះទាំងអស់គ្នាមិនគប្បីខ្លាចចាស់ទេ គួរតែទទួលយកការពិតទើបមិនមានទុក្ខកង្វល់ក្នុងចិត្ត ។
ចែករំលែកព័តមាននេះ