ខេត្តបាត់ដំបង ៖ យោងតាមសេចក្ដីរាយការណ៍បានឱ្យដឹងថា នៅវេលាម៉ោងជិត១២ថ្ងៃត្រង់ថ្ងៃទី២១សីហា នេះ មានអគ្គិភ័យមួយបានឆាបឆេះតូបលក់ដូរនៅក្នុងផ្សារថៃ ក្បែរច្រកទ្វារអន្តរជាតិ «ភ្នំដី»ស្ថិតក្នុងស្រុកសំពៅលូន តែគេមិនទាន់ដឹងអំពីមូលហេតុនៅឡើយទេ ។…
ខេត្តបាត់ដំបង ៖ យោងតាមសេចក្ដីរាយការណ៍បានឱ្យដឹងថា នៅវេលាម៉ោងជិត១២ថ្ងៃត្រង់ថ្ងៃទី២១សីហា នេះ មានអគ្គិភ័យមួយបានឆាបឆេះតូបលក់ដូរនៅក្នុងផ្សារថៃ ក្បែរច្រកទ្វារអន្តរជាតិ «ភ្នំដី»ស្ថិតក្នុងស្រុកសំពៅលូន តែគេមិនទាន់ដឹងអំពីមូលហេតុនៅឡើយទេ ។
សេចក្ដីរាយការណ៍ឱ្យដឹងទៀតថា អគ្គិភ័យនោះបានឆេះតូបលក់ដូរនានានៅក្នុងផ្សារ «ខាវឌីន» ដែលស្ថិតនៅក្នុងស្រុកខ្លងហាត ខេត្តស្រះកែវ ប្រទេសថៃ ជាប់ច្រកទ្វារអន្តរជាតិ «ភ្នំដី» ក្នុងស្រុកសំពៅលូន ខេត្តបាត់ដំបង ខណ:ដែលក្រុមអាជីវករថៃ និងអាជីវករខ្មែកំពុងលក់ដូរ ។ គេមិនទាន់ដឹងអំពីមូលហេតុដែលនាំឱ្យកើតមានអគ្គិភ័យនេះនៅឡើយទេ ហើយក៏មិនទាន់ដឹងពីទំហំនៃការខូចខាតនៅឡើយដែរ ។
បើតាមប្រភពដដែលថា តូបលក់ដូរមួយចំនួន ត្រូវអគ្គិភ័យឆាបឆេះអស់ទាំងស្រុង បើបីទោះជាកម្លាំងពន្លត់អគ្គីភ័យរបស់អាជ្ញាធរថៃ បានចុះអន្តរាគមន៏ភ្លាមៗហើយក្ដី ។ ទោះជាយ៉ាងណា ពេលនេះភ្លើងបានស្ងប់ស្ងាត់វិញហើយ ។
ចែករំលែកព័តមាននេះ