ខេត្តរតនៈគិរី ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវសមត្ថកិច្ចចាប់ដាក់ខ្នោះរឿងចូលរំលោភប្រពន្ធអ្នកជិតខាងបានសម្រេច ហេតុការណ៍នេះបានកើតឡើងកាលពីម៉ោង១០និង៣០នាទីយប់ ថ្ងៃទី១៩ ខែសីហា ឆ្នាំ២០១៨ ស្ថិតនៅភូមិប៉ាដល់ ឃុំសេសាន្ត ស្រុកអូរយ៉ាដាវ។
បើតាមសមត្ថកិច្ចឃុំ-ស្រុកបានឱ្យដឹងនៅថ្ងៃទី២១សីហានេះថា ជនសង្ស័យខាងលើឈ្មោះ សេវ អា អាយុ២៧ឆ្នាំ ជនជាតិច្រាយ មុខរបរកសិករ មានប្រពន្ធ និងកូន២រួចទៅហើយ ចំណែកនារីរងគ្រោះអាយុ១៧ឆ្នាំ មុខរបរកសិករ ហើយទើបតែរៀបការបានតែកន្លះខែប៉ុណ្ណោះ។
សមត្ថកិច្ចបានឱ្យដឹងថា ក្រោយពីទទួលពាក្យបណ្តឹងពីជនរងគ្រោះសមត្ថកិច្ចបានចាប់ខ្លួនជនសង្ស័យបាននៅថ្ងៃទី២០ សីហា ម៉ោង៧យប់ ស្ថិតក្នុងលំនៅដ្ឋានរបស់ជនសង្ស័យតែម្តង។ ក្រោយពីចាប់ជនសង្ស័យសារភាពថា មុនកើតហេតុផ្ទះជនសង្ស័យបានរៀបចំកម្មវិធីឡើងផ្ទះ និងអញ្ជើញអ្នកភូមិជាច្រើននាក់ រួមទាំងគ្រួសារនារីរងគ្រោះផងដែរ ហើយបានទទួលភ្ញៀវមានទាំងស្រាបៀរ ស្រាពាង និងគ្រឿងក្លែមជាច្រើនតាមរបៀបប្រពៃណីជនជាតិច្រាយ។
ជនសង្ស័យសារភាពបន្តថា នៅយប់កើតហេតុនោះពេលចប់កម្មវិធីម៉ោង១០យប់ ភ្ញៀវបានត្រឡប់ទៅផ្ទះវិញអស់ ខ្លួនឃើញនារីរងគ្រោះស្រវឹងខ្លាំងក៏ដើរទៅផ្ទះនារីរងគ្រោះអើតមើលបន្ទប់នាងដេក រួចឃើញនាងស្លៀកខ្លីបញ្ចេញគល់ភ្លៅគួរឱ្យគ្រឺតក៏ចូលចាប់រំលោភនាងសម្រេចមួយដង រួចដើរទៅផ្ទះខ្លួនឯងដេកយ៉ាងរំភើយ។
ជនសង្ស័យបញ្ជាក់ទៀតថា មូលហេតុដែលរំលោភនាងសម្រេច គឺប្តីរបស់នាងមិនបាននៅផ្ទះនោះទេ ដោយប្តីនាងរវល់ទៅយកក្តារទូនៅមាត់ទន្លេសេសាន្តបាត់។ ដោយឡែកនាងរងគ្រោះដល់ពេលប្តីត្រឡប់មកវិញក៏ប្រាប់រឿងរ៉ាវនេះទៅប្តី ដោយនាងបញ្ជាក់ទៀតថា ពេលជនសង្ស័យចាប់រំលោភនោះ នាងអត់បានស្រែកទេ ដោយស្មានថា ប្តីនាង។ ម្យ៉ាងទៀតស្រវឹងស្រាខ្លាំងពេក ពេលបានសម្រេចនាងបើកភ្នែកមើលទើបដឹងថា មិនមែនជាប្តីរបស់នាងទេ។
ក្រោយកើតហេតុនៅព្រឹកថ្ងៃទី២០ នារីរងគ្រោះ និងប្តីបានទៅដាក់ពាក្យបណ្តឹងនៅអធិការនគរបាលស្រុកអូរយ៉ាដាវ ឱ្យចាប់ខ្លួនជនសង្ស័យខាងលើមកផ្តន្ទទោសតាមច្បាប់។
សមត្ថកិច្ចបានបញ្ជាក់ទៀតថា បច្ចុប្បន្នជនសង្ស័យកំពុងឃុំខ្លួនបណ្តោះអាសន្ននៅអធិការស្រុក និងកសាងសំណុំរឿងបញ្ជូនទៅតុលាការខេត្ដ ដើម្បីផ្តន្ទាទោសតាមច្បាប់៕
ចែករំលែកព័តមាននេះ