ខេត្តបាត់ដំបង ៖ ប្រភពពីសមត្ថកិច្ចបានឲ្យដឹងថា ជនសង្ស័យចំនួន៣នាក់ត្រូវកម្លាំងសមត្ថកិច្ចឃាត់ខ្លួន កាលពីវេលាម៉ោង៧ល្ងាច ថ្ងៃទី២០ សីហានេះ នៅចំណុចក្រុមទី០២ ភូមិវត្តលៀប សង្កាត់ចម្ការសំរោង ក្រុងបាត់ដំបង ដែលជាប់សង្ស័យក្នុងបទល្មើសជំនួញគ្រឿងញៀន។
ប្រភពបានឲ្យដឹងទៀតថា ជនសង្ស័យទាំង៣នាក់មាន ១.ឈ្មោះ រស្មី ហ៊ីង ភេទប្រុស អាយុ២២ឆ្នាំ មុខរបមិនពិតប្រាកដ នៅភូមិទូលតាឯក សង្កាត់ទួលតាឯក ក្រុងបាត់ដំបង, ២.ឈ្មោះ ម៉ាន រសា ភេទប្រុស អាយុ២៤ឆ្នាំ មុខរបមិនពិតប្រាកដ នៅភូមិវត្តគរ សង្កាត់វត្តគរ ក្រុងបាត់ដំបង និង៣.ឈ្មោះ ឆាយ រតនៈ ហៅប៊ិប ភេទប្រុស អាយុ២៤ឆ្នាំ មុខរបមិនពិតប្រាកដ នៅភូមិវត្តគរ សង្កាត់វត្តគរ ក្រុងបាត់ដំបង។
ជនទាំង៣នាក់នេះត្រូវបានកម្លាំងជំនាញ នៃអធិការក្រុងបាត់ដំបង ឃាត់ខ្លួនពេលកំពុងប្រព្រឹត្តបទល្មើស គ្រឿងញៀនជាក់ស្ដែង ថែមទាំងដកហូតបាននូវវត្ថុតាងមួយចំនួនផង។ បើតាមរបាយការណ៍របស់ សមត្ថកិច្ច វត្ថុតាងដែលដកហូតបាមពីក្រុមជនសង្ស័យរួមមាន សារធាតុញៀនប្រភេទម្សៅក្រាម ពណ៌សរឹងថ្លា (ទឹកកក) ចំនួន១៤កញ្ចប់ ស្មើនឹងទម្ងន់៨,០៦ក្រាម និងវត្ថុតាងពាក់ព័ន្ធមួយចំនួនទៀត។ បច្ចុប្បន្នកម្លាំងជំនាញបានសួរនាំជនសង្ស័យទាំង៣នាក់ដើម្បីកសាងសំណុំរឿងតាមនីតិវិធីរួចរាល់ហើយហើយ៕
ចែករំលែកព័តមាននេះ