ខេត្តស្វាយរៀង ៖ គ្រោះថ្នាក់ចរាចរណ៍មួយកើតឡើងបង្កឲ្យអ្នកស្ទូចត្រីភ័យស្ទើរលស់ព្រលឹងញ័រចំប្រប់ ត្រូវបានអ្នកធ្វើដំណើរជួយសង្គ្រោះ មូលហេតុរថយន្តកុងតឺន័រមួយគ្រឿងទំនងម្ចាស់ស្រវឹងស្រា ឬក៏ងងុយដេក បើករេពេញផ្លូវហើយក៏បុករះរបាស្ពានហាយវ៉េ តាមបណ្តោយផ្លូវជាតិលេខ១ បុកទាំងម៉ូតូដែលអ្នកស្ទូចត្រីបញ្ឈរទុក នៅគល់ស្ពានធ្លាក់ចូលក្នុងទឹកទន្លេ…
ខេត្តស្វាយរៀង ៖ គ្រោះថ្នាក់ចរាចរណ៍មួយកើតឡើងបង្កឲ្យអ្នកស្ទូចត្រីភ័យស្ទើរលស់ព្រលឹងញ័រចំប្រប់ ត្រូវបានអ្នកធ្វើដំណើរជួយសង្គ្រោះ មូលហេតុរថយន្តកុងតឺន័រមួយគ្រឿងទំនងម្ចាស់ស្រវឹងស្រា ឬក៏ងងុយដេក បើករេពេញផ្លូវហើយក៏បុករះរបាស្ពានហាយវ៉េ តាមបណ្តោយផ្លូវជាតិលេខ១ បុកទាំងម៉ូតូដែលអ្នកស្ទូចត្រីបញ្ឈរទុក នៅគល់ស្ពានធ្លាក់ចូលក្នុងទឹកទន្លេ ធ្លាក់ទាំងរថយន្ត ធ្វើឲ្យអ្នកស្ទូចត្រីភ័យស្ទើលស់ព្រលឹង ធ្លាក់ចូលក្នុងទឹកដែរ។
ត្រូវបានអ្នកធ្វើដំណើរគ្រាហ៍ឡើង ហើយនាំទៅផ្ទះភ្លាមៗ ចំណែកអ្នកបើកបររថយន្តបង្ក រងរបួសស្រាល ហើយបានចេញតាមកញ្ចក់រថយន្តរត់គេចខ្លួនបាត់ស្រមោល។ ករណីដ៏រន្ធត់នេះបានកើតឡើងវេលាម៉ោង៤ និង៥០នាទីល្ងាច ថ្ងៃទី២០ សីហា ២០១៨ នៅចំណុចគល់ស្ពានហាយវ៉េ ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង។
បើតាមអ្នកឃើញផ្ទាល់ភ្នែក បានឲ្យដឹងថា មុនពេលកើតហេតុ គេឃើញរថយន្តបង្ក បើកបរពីទិសខាងកើតទៅលិចយ៉ាងលឿនរេពេញថ្នល់ ធ្វើឲ្យអ្នកធ្វើដំណើរតាមដងផ្លូវភ័យបើកគេច ចៀសទាំងព្រលឹងចុងសក់។ បន្ទាប់មករថយន្តបង្កបានរេចង្កូតមកខាងឆ្វេងបុករះរបាំងស្ពានប្រវែង៤០ម៉ែត្រ បាក់រាបដល់ដីបុកទាំងម៉ូតូមួយគ្រឿងដែលបញ្ឈរនៅគល់ស្ពានអូសរួចកិនពីលើធ្លាក់ចូលក្នុងទឹកទន្លេវ៉ៃគោតែម្តង ។
ហើយរថយន្តបែកកញ្ចក់កាប៊ីនមុខទាំងស្រុង។ ចំណែកអ្នកអង្គុយស្ទូចត្រីនៅមាត់ទឹកគល់ស្ពាន ភ្ញាក់ធ្លាក់ចូលក្នុងទឹក ភ័យញ័រចំប្រប់ត្រូវបានអ្នកធ្វើដំណើរតាមផ្លូវជួយគ្រាហ៍ឡើងគោករួចជូនទៅផ្ទះភ្លាមៗ មិនដឹងថា មានផ្ទះសម្បែងនៅទីណានោះទេ។ បន្ទាប់មកក៏មានមនុស្សម្នាមកចោមរោមមើល ធ្វើឲ្យកកស្ទះចរាចរណ៍ផងដែរ៕
https://youtu.be/Leg5E2iuGrY
ចែករំលែកព័តមាននេះ