ខេត្តកំពង់ស្ពឺ៖ លំនៅឋាន និងដីចម្ការអាស្រ័យផលរបស់ប្រជាពលរដ្ឋ និងដីសហគមន៍គ្រប់គ្រងដោយដែនជម្រកសត្វព្រៃភ្នំឱរ៉ាល់ សរុបជាង២០ហិចតាត្រូវបានមេឈ្មួញរកស៊ីឈួសឆាយដីល្បីឈ្មោះមួយរូបប្រចាំខេត្តកំពង់ឆ្នាំង គឺលោកខូវ គៀត បានយកគ្រឿងចក្រមកលួចឈូសឆាយរំលោភយកទាំងបំពានគ្មានសុំច្បាប់អនុញ្ញាតិ ដើម្បីយកមកធ្វើជាកម្មសិទ្ធិផ្ទាល់ខ្លួន ប៉ុន្តែប៉ះពាល់ដល់ដីប្រជាពលរដ្ឋ…
ខេត្តកំពង់ស្ពឺ៖ លំនៅឋាន និងដីចម្ការអាស្រ័យផលរបស់ប្រជាពលរដ្ឋ និងដីសហគមន៍គ្រប់គ្រងដោយដែនជម្រកសត្វព្រៃភ្នំឱរ៉ាល់ សរុបជាង២០ហិចតាត្រូវបានមេឈ្មួញរកស៊ីឈួសឆាយដីល្បីឈ្មោះមួយរូបប្រចាំខេត្តកំពង់ឆ្នាំង គឺលោកខូវ គៀត បានយកគ្រឿងចក្រមកលួចឈូសឆាយរំលោភយកទាំងបំពានគ្មានសុំច្បាប់អនុញ្ញាតិ ដើម្បីយកមកធ្វើជាកម្មសិទ្ធិផ្ទាល់ខ្លួន ប៉ុន្តែប៉ះពាល់ដល់ដីប្រជាពលរដ្ឋ និងដីសហគមន៍ទើបបែកការដឹកយកគ្រឿងចក្រចេញបាត់ទៅ ។
ដីសហគមន៍ និងដីប្រជាពលរដ្ឋដែលមេឈ្មួញឈួសឆាយទន្ទ្រាន្តយកនោះនៅចំណុចភូមិទឹកចេញ ឃុំអមលាំង ស្រុកថ្ពង ខេត្តកំពង់ស្ពឺ ព្រំប្រទល់ជាមួយឃុំក្បាលទឹក ស្រុកទឹកផុស ខេត្តកំពង់ឆ្នាំង។
បើតាមសម្តីលោកមឿន សារឿន អាយុ៥៤ឆ្នាំ និងប្រពន្ធឈ្មោះសុខ ប៉ាច អាយុ៤៨ឆ្នាំ មុខរបរកសិករ រស់នៅលើដីខាងលើក្បែរជើងភ្នំ (គ្មានដីក្នុងភូមិដូចគេទេ) ជាម្ចាស់ដីនោះនិយាយថា ដីចម្ការរបស់គាត់មានផ្ទៃដីចំនួន៤ហិចតា ហើយគាត់បានស្នើសុំទៅលោកមេភូមិទឹកចេញ និងលោកមេឃុំអមលាំង មន្ទីរបរិស្ថានខេត្តកំពង់ស្ពឺ និងមន្ទីរបរិស្ថានខេត្តកំពង់ឆ្នាំង តាំងពីអំឡុងឆ្នាំ២០១១មកម្ល៉េះ។
លោកបន្តថា គឺដើម្បីកាប់គាស់ឆ្ការព្រៃ គ្រាន់បានដីសម្រាប់រស់នៅធ្វើផ្ទះសម្បែង និងប្រកបរបរចិញ្ចឹមជីវិត ពីព្រោគាត់ និងប្រពន្ធមិនមានដីក្នុងភូមិមួយចំអាមឡើយ ទើបដាច់ចិត្តសុំអស់លោកអាជ្ញាធរទាំង២ខេត្តនេះកាប់ឆ្ការបានអាស្រ័យផលគ្រាន់ចិញ្ចឹមជីវិតរហូតមកដល់ពេលនេះ។
លោកបន្តទៀតថា ហើយខាងអាជ្ញាធរភូមិ ឃុំ ស្រុក និងបរិស្ថានខេត្តកំពង់ស្ពឺ និងខេត្តកំពង់ឆ្នាំ ក៏បានអនុញ្ញាតិឲ្យពួកគាត់កាប់ឆ្ការកាំបិត និងពូថៅដោយដៃរហូតពួកគាត់បានដាំដំណាំមានដូចជា ពោត ចេក ស្វាយ ខ្នុរ ល្ហុង ម្ទេសអស់រយៈពេល៧ឆ្នាំមកហើយនោះ។
លោកបន្តឱ្យដឹងទៀតថា ស្រាប់តែវេលាម៉ោង១២ថ្ងៃត្រង់ ថ្ងៃទី២៣ ខែកក្កដា ឆ្នាំ២០១៨កន្លងទៅ គាត់កំពុងតែធ្វើស្មៅពោត ស្រាប់តែឃើញមានគ្រឿងចក្ររបស់លោកខូវ គៀត អាយុជាង៥០ឆ្នាំ មកដាក់ឈូសឆាយកាយព្រំទាំងដីសហគមន៍ និងប៉ះពាល់ដីរបស់លោក ដោយនិយាយថា ដីគេទិញអស់ហើយ។ តាមពិតមានការឃុបឃិតគ្នាលួចឈួសឆាយមិនឱ្យអាជ្ញាធរមូលដ្ឋាន ភូមិ ឃុំ ស្រុក ខេត្តដឹងនោះឡើយដើម្បីយកធ្វើជាកម្មសិទ្ធិផ្ទាល់ខ្លួន។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព
ចែករំលែកព័តមាននេះ