ខេត្តតាកែវ ៖ រថយន្តចំនួន២គ្រឿងបានធ្វើដំណើបញ្ជ្រាសទិសគ្នាក៏ជ្រុលចង្កូតទៅបុកគ្នាពេញទំហឹងបណ្តាលអោយខូចខាតទាំងសងខាងយ៉ាងដំណំ ខណៈដែលអ្នកបើកបរមានការប្រហែសនឹងរឹងរ៉ូសដូចគ្នាដោយមិនគោរពច្បាប់ចរាចរណ៍នោះទើបឈានទៅបុកគ្នាបែបនេះ និងបណ្តាលអោយបុរសម្នាក់រងរបួសធ្ងន់ធ្ងររួចក៏បានប៉ូលិសចរាចរណ៍ដឹកបញ្ជូនទៅព្យាបាលនៅមន្ទីរពេទ្យបង្អែកខេត្ត ។
ហេតុការរថយន្តបុកគ្នានេះបានកើតឡើងកាលពីវេលាម៉ោង០៦និង១៥នាទីល្ងាច ថ្ងៃទី១៩ ខែសីហា ឆ្នាំ២០១៨ តាមបណ្តោយផ្លូវខេត្តលេខ១២៩ចន្លោះគីឡូម៉ែត្រលេខ៦ និងលេខ៧ ក្នុងភូមិត្រពាំងស្រង់ ឃុំស្លា ស្រុកសំរោង ខេត្តតាកែវ ។
លោក ជាល សុផាត នាយការិយាចរាចរណ៏ផ្លូវគោកខេត្តបានអោយដឹងថា រថយន្តទាំង២គ្រឿងដែលបើកបុកគ្នានេះមានរថយន្តពណ៌ខ្មៅស ពាក់ស្លាកលេខ តាកែវ ៣A-២០៧៨ បើកពីទិសខាងត្បូងទៅជើងជាប្រភេទរថយន្តធន់ធ្ងន់ ក្រោយកើតហេតុអ្នកបើកបរបានបើកទ្វារត់គេចខ្លួនបាត់ ចំណែករថយន្ត១គ្រឿងទៀតពណ៌សខៀវ ពាក់ស្លាកលេខ ១៩៨៤ ភព២ បើកពីជើងទៅត្បូងជាប្រភេទរថយន្តទេសចរណ៌បើកបរដោយឈ្មោះ សួន អឿន ភេទប្រុស អាយុ៤៤ឆ្នាំ មុខរបរជាកសិករ រស់នៅភូមិត្រពាំងស្រង់ ឃុំស្លា ស្រុកសំរោង បានរងរបួសធ្ងន់ត្រូវបានបញ្ជូនមកសង្គ្រោះនៅមន្ទីពេទ្យបង្អែកខេត្ត ។
លោកនាយការិយាល័យចរាចរណ៍ខេត្តបានបញ្ជាក់ថា មូលហេតុនេះកើតគឺបណ្តាលមកពីរថយន្តពាក់ស្លាកលេខ តាកែវ ៣A-២០៧៨ បើករ៉េចង្កូតទៅបុករថយន្តធន់តូចក្រោយពេលកើតហេតុរថយន្តទាំង២គ្រឿងត្រូវបានយកទៅរក្សាទុកនៅអធិការដ្ឋាននគរបាលស្រុកសំរោងរង់ចាំដោះស្រាយគ្នានៅពេលក្រោយ ៕
ចែករំលែកព័តមាននេះ