ខេត្តពោធិ៍សាត់ ៖ ពិតជាគួរឱ្យហួសចិត្តពន់ពេកណាស់ ដែលមនុស្សចាស់ទៅហើយបែរជាប្រចណ្ឌ ។ កាលពីវេលាម៉ោងប្រមាណ១០ ទៅ១១យប់ថ្ងៃទី១៨ ខែសីហា មានករណីឃាតកម្មមួយកើតឡើងនៅចំណុចអំពួចក្នុងភូមិជ្រៃក្រឹម ឃុំផ្ទះរុង…
ខេត្តពោធិ៍សាត់ ៖ ពិតជាគួរឱ្យហួសចិត្តពន់ពេកណាស់ ដែលមនុស្សចាស់ទៅហើយបែរជាប្រចណ្ឌ ។ កាលពីវេលាម៉ោងប្រមាណ១០ ទៅ១១យប់ថ្ងៃទី១៨ ខែសីហា មានករណីឃាតកម្មមួយកើតឡើងនៅចំណុចអំពួចក្នុងភូមិជ្រៃក្រឹម ឃុំផ្ទះរុង ស្រុកភ្នំក្រវាញ ដោយប្តីកាប់ប្រពន្ធស្លាប់ រួចរត់ទៅចងកសម្លាប់ខ្លួនឯងនៅក្នុងព្រៃ ។
ស្ត្រីជាប្រពន្ធដែលត្រូវកាប់ស្លាប់នេះឈ្មោះ សែម ថាច អាយុ៤៥ឆ្នាំ ចំណែកបុរសជាប្តីឈ្មោះ ពុំ ម៉ុត អាយុ៦៤ឆ្នាំ រស់នៅក្នុងភូមិ ឃុំខាងលើ ។ តាមប្រភពព័ត៌មានឲ្យដឹងថា អំពើហិង្សាក្នុងគ្រួសារមួយនេះកើតចេញពីជម្លោះប្រចណ្ឌប្រពន្ធ ។ នៅយប់ថ្ងៃទី១៨ ខែសីហា ប្តីប្រពន្ធចំណាស់នេះបានឈ្លោះទាស់ទែងគ្នា ។ លុះក្រោយមកសមត្ថកិច្ចមូលដ្ឋានបានទទួលព័ត៌មានថាបុរសជាប្តីកាប់ប្រពន្ធស្លាប់បាត់ទៅហើយ លុះពេលសមត្ថកិច្ចទៅដល់ ក៏ឃើញបុរសជាប្តីចងកនឹងដើមក្រូចខាងក្រោយផ្ទះស្លាប់ដែរ ។
ក្រោយពីមានករណីនេះកើតឡើង សមត្ថកិច្ចបានធ្វើការស្រាវជ្រាវនិងត្រួតពិនិត្យទីកន្លែងកើតហេតុ រួមទាំងសួរនាំកូនច្បងត្រូវបានប្រាប់ប្រហាក់ប្រហែលគ្នាថា នៅយប់នោះឪពុកបានទូរស័ព្ទប្រាប់ពួកគេថា ឲ្យជួយមើលគោនិងជួយមើលប្អូនៗផង លុះមួយសន្ទុះក្រោយមកទូរស័ព្ទទៅឪពុកវិញ តែគ្មានអ្នកណាលើក ។ ស្រាប់តែព្រឹកឡើង មានប្អូនជីដូនមួយទូរស័ព្ទប្រាប់ថា ឪពុកចងកស្លាប់ហើយ ចំណែកម្តាយក៏ស្លាប់ដែរដោយអំពើឃាតកម្មកាប់សម្លាប់ខ្ទេចមុខនៅក្នុងថ្លុកឈាម ។
សមត្ថកិច្ចបានធ្វើការពិនិត្យនិងកោសល្យវិច័យសពស្ត្រីជាប្រពន្ធ ឃើញមានស្នាមរបួសចំនួន១០កន្លែង គឺបំពង់ក៦កន្លែង ទងត្រចៀកទាំងសងខាង២កន្លែង បាក់ថ្គាម១កន្លែង និងក្បាលផ្នែកខាងក្រោយ១កន្លែង ។ ស្នាកស្នាមលើសពនេះ គឺមានការប៉ះទង្គិចនឹងវត្ថុដែលមានមុខមុត និងទាល(មុខពូថៅឬខ្នងពូថៅ) ។ ចំណែកបុរសប្តីដែលចងក ឃើញសពនៅលើមែកក្រូចដោយចងនឹងខ្សែគោមានកម្ពស់ផុតពីដី ៕
ចែករំលែកព័តមាននេះ