ខេត្តព្រះសីហនុ ៖ បុរសវ័យចំណាស់ម្នាក់ត្រូវបានគេប្រទះឃើញចងកសម្លាប់ខ្លួនស្លាប់ នៅនឹងដើមអាកាស្យា ខាងក្រោយសាលាឈូករ័ត្ន ស្ថិតក្នុងភូមិបត់សេមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ កាលពីវេលាម៉ោង៨និង៣០នាទីព្រឹកថ្ងៃទី២០…
ខេត្តព្រះសីហនុ ៖ បុរសវ័យចំណាស់ម្នាក់ត្រូវបានគេប្រទះឃើញចងកសម្លាប់ខ្លួនស្លាប់ នៅនឹងដើមអាកាស្យា ខាងក្រោយសាលាឈូករ័ត្ន ស្ថិតក្នុងភូមិបត់សេមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ កាលពីវេលាម៉ោង៨និង៣០នាទីព្រឹកថ្ងៃទី២០ សីហា ២០១៨នេះ។
ជនរងគ្រោះដែលស្លាប់ខាងលើឈ្មោះ សោម ផា អាយុ៧៤ឆ្នាំ មានទីលំនៅភូមិឃុំកើតហេតុខាងលើ ។
តាមប្រភពពីសមត្ថកិច្ចបានឱ្យដឹងថា បុរសរងគ្រោះបានត់ពីផ្ទះតាំងពីល្ងាចថ្ងៃទី១៩ សីហា មុនប្រទះឃើញសពមួយថ្ងៃ ហើយជាមួយការបាត់ខ្លួននេះ កូនចៅ និងក្រុមគ្រួសារបានដើររករហូតយប់ជ្រៅតែរកមិនឃើញ លុះព្រឹកឡើងក៏ប្រទះឃើញជនរងគ្រោះចងកសម្លាប់ខ្លួនដោយប្រើខ្សែនីឡុងចងទៅនឹងដើមអាកាស្សាស្លាប់បាត់ទៅហើយ ។
ប្រភពពីក្រុមគ្រួសារបានប្រាប់សមត្ថកិច្ចបន្ថែមថា មូលហេតុដែលនាំឱ្យជនរងគ្រោះសម្រេចចិត្តចងកសម្លាប់ខ្លួនបែបនេះគឺអាចបណ្តាលមកពីគាត់កើតជំងឺក្លនប្រចាំកាយ ហើយខ្លាចពិបាកកូនចៅនាំទៅវះ ក៏សម្រេចចិត្តធ្វើអត្តឃាតដោយចងកសម្លាប់ខ្លួនឯងតែម្តង ។
បន្ទាប់ពីពិនិត្យរួចសមត្ថកិច្ចបានរកឃើញថា ជនរងគ្រោះខាងលើពិតជាធ្វើអត្តឃាតដោយចងសម្លាប់ខ្លួនឯងពិតប្រាកដមែន មិនមែនជាករណីមនុស្សឃាតឡើយ ។ សមត្ថកិច្ចបានប្រគល់សពជូនគ្រួសារដើម្បីយកទៅបុណ្យតាមប្រពៃណី ៕
ចែករំលែកព័តមាននេះ