ខេត្តរតនគិរី ៖ កាលពីថ្ងៃទី១៧ ខែសីហា ឆ្នាំ២០១៨ ប៉ុស្តិ៍ច្រកទ្វារព្រំដែនអន្តរជាតិឡេថាញ់ (ខាងវៀតណាម) ឆ្លងកាត់ច្រកទ្វារអូរយ៉ាដាវ ខេត្តរតនគិរី បានចាប់ឃាត់ខ្លួនជនជាតិច្រាយវៀតណាម៣នាក់…
ខេត្តរតនគិរី ៖ កាលពីថ្ងៃទី១៧ ខែសីហា ឆ្នាំ២០១៨ ប៉ុស្តិ៍ច្រកទ្វារព្រំដែនអន្តរជាតិឡេថាញ់ (ខាងវៀតណាម) ឆ្លងកាត់ច្រកទ្វារអូរយ៉ាដាវ ខេត្តរតនគិរី បានចាប់ឃាត់ខ្លួនជនជាតិច្រាយវៀតណាម៣នាក់ ដែលបានលួចឆ្លងដែនត្រឡប់ចូលទៅប្រទេសវៀតណាមវិញ បន្ទាប់ពីលួចរត់គេចខ្លួនទៅជ្រកកោននៅប្រទេសថៃកាលពីជាង៣ខែកន្លងមក ។
ជនជាតិច្រាយវៀតណាម៣នាក់ខាងលើបានត្រឡប់ពីប្រទេសថៃមកស្នាក់ក្នុងខេត្តរតនគិរី ជិត១០ថ្ងៃរួចបន្តលួចឆ្លងដែនទៅប្រទេសវៀតណាមវិញត្រូវសមត្ថកិច្ចច្រកទ្វារព្រំដែនវៀតណាមចាប់ឃាត់ខ្លួនបាន(បច្ចុប្បន្នខាងវៀតណាមកំពុងសួរចម្លើយ) ។
ព័ត៌មានលម្អិតសារព័ត៌មាន កោះសន្តិភាព មិនអាចទទួលបានទេ អំពីដំណើរឆ្លងដែនចេញពីវៀតណាមទៅប្រទេសថៃ និងឆ្លងកាត់ទឹកដីខេត្តរតនគិរី មិនដឹងមានគោលបំណងពិតប្រាកដអ្វីនោះទេ ។
បើតាមប្រភពព័ត៌មានពីមន្ត្រីនៃការិយាល័យអន្តោប្រវេសន៍ស្នងការខេត្តបានខ្សិបប្រាប់ថា ជនជាតិច្រាយវៀតណាមខាងលើដែលខាងប៉ូលិសចាប់នោះគឺឆ្លងដែនខុសច្បាប់ និងលិខិតឆ្លងដែនត្រឹមត្រូវ ក៏ប៉ុន្តែចំណុចសំខាន់ពួកគេបានស្នាក់នៅខេត្តរតនគិរី១០ថ្ងៃ និងត្រឡប់ទៅប្រទេសវៀតណាមវិញតាមច្រកទ្វារអន្តរជាតិអូរយ៉ាដាវ ហើយទៅដល់ច្រកទ្វារអន្តរជាតិឡេថាញ់វៀតណាមជាច្រកទ្វារផ្លូវតែមួយ ដោយជនទាំង៣នាក់ធ្វើដំណើរតាមរថយន្តក្រុងវៀតណាមចេញពីទឹកដីខេត្តរតនគិរីបែរជាប៉ូលិសចាប់បានតែខាងខ្មែរចាប់មិនបាន ៕
ចែករំលែកព័តមាននេះ