ខេត្តកំពង់ធំ ៖ គ្រោះថ្នាក់ចរាចរណ៍ដែលបង្កឡើងដោយម៉ូតូបុករថយន្តពីក្រោយក្នុងទិសដៅស្របគ្នា បណ្តាលឱ្យស្លាប់អ្នកបើកបរម៉ូតូ ។ ហេតុការណ៍នេះបានកើតឡើងកាលពីវេលាម៉ោង៨និង១០នាទីយប់ថ្ងៃទី១៩ ខែសីហា ឆ្នាំ២០១៨ នៅលើកំណាត់ផ្លូវជាតិលេខ៦ចន្លោះគីឡូម៉ែត្រលេខ១១៣-១១៤ក្នុងភូមិថ្នល់ជាតិ ឃុំបារាយណ៍…
ខេត្តកំពង់ធំ ៖ គ្រោះថ្នាក់ចរាចរណ៍ដែលបង្កឡើងដោយម៉ូតូបុករថយន្តពីក្រោយក្នុងទិសដៅស្របគ្នា បណ្តាលឱ្យស្លាប់អ្នកបើកបរម៉ូតូ ។ ហេតុការណ៍នេះបានកើតឡើងកាលពីវេលាម៉ោង៨និង១០នាទីយប់ថ្ងៃទី១៩ ខែសីហា ឆ្នាំ២០១៨ នៅលើកំណាត់ផ្លូវជាតិលេខ៦ចន្លោះគីឡូម៉ែត្រលេខ១១៣-១១៤ក្នុងភូមិថ្នល់ជាតិ ឃុំបារាយណ៍ ស្រុកបារាយណ៍ ខេត្តកំពង់ធំ ។
ជនរងគ្រោះដែលស្លាប់ខាងលើឈ្មោះ អ៊ន សាម៉ុត ភេទប្រុស អាយុ២៤ឆ្នាំ មុខរបរជាង.តភ្លើង រស់នៅភូមិគុហ៍បារ៉ែង ឃុំអណ្តូងពោធិ៍ ស្រុកបារាយណ៍ ខេត្តកំពង់ធំ ។
លោកវរសេនីយ៍ទោ សន តាល់ អធិការរងនគរបាលស្រុកបារាយណ៍ ទទួលខាងសណ្តាប់ធ្នាប់ និងចរាចរណ៍ប្រាប់ឱ្យដឹងថា ករណីគ្រោះថ្នាក់ចរាចរណ៍ខាងលើ បង្កឡើងដោយបុរសម្នាក់បានជិះម៉ូតូមួយគ្រឿងម៉ាកស៊ីបីអ (CBR 150cc) ពណ៌ស ពាក់ស្លាកលេខ កំពង់ធំ ១K-០២២៩ បើកបរក្នុងល្បឿនយ៉ាងលឿន ក្នុងទិសដៅពីជើងទៅត្បូងស្របទិសគ្នាជាមួយនឹងរថយន្តមួយគ្រឿងមានដឹកស្រូវ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ចាម ៣A-៦៩៨៦ លុះមកដល់ចំណុចកើតហេតុខាងលើ ម៉ូតូក៏បានបុកគូទរថយន្តយ៉ាងពេញទំហឹង បណ្តាលឱ្យអ្នកបើកបរម៉ូតូស្លាប់នៅនឹងកន្លែងកើតហេតុ ឃើញដូច្នោះអ្នកបើកបររថយន្តក៏បាន រត់គេចខ្លួនបាត់។
ក្រោយពីសមត្ថកិច្ចបានធ្វើការវាស់វែងរួច រថយន្ត និងម៉ូតូត្រូវយកមករក្សាទុកនៅអធិការដ្ឋាននគរបាលស្រុកដើម្បីរង់ចាំការដោះស្រាយតាមនីតិវិធី ។ ចំណែកសពត្រូវបានប្រគល់ឱ្យសាច់ញាតិដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ