ដំណើរការប្រឡងសញ្ញាប័ត្រមធ្យមសិក្សាទុតិយភូមិ
- ព្រះសីហនុ
ខេត្តព្រះសីហនុ ៖ លោក កែវ ឡាយ ប្រធានមន្ទីរអប់រំយុវជន និងកីឡាខេត្តព្រះសីហនុបានឲ្យដឹងកាលពីព្រឹកថ្ងៃទី១៩ ខែសីហា ឆ្នាំ២០១៨ កន្លងមកនេះថា…
ខេត្តព្រះសីហនុ ៖ លោក កែវ ឡាយ ប្រធានមន្ទីរអប់រំយុវជន និងកីឡាខេត្តព្រះសីហនុបានឲ្យដឹងកាលពីព្រឹកថ្ងៃទី១៩ ខែសីហា ឆ្នាំ២០១៨ កន្លងមកនេះថា សម្រាប់ការប្រឡងសញ្ញាប័ត្រមធ្យមសិក្សាទុតិយភូមិ(បាក់ឌុប) នៃឆ្នាំសិក្សា២០១៧- ២០១៨ ដែល និងប្រព្រឹត្តទៅនាថ្ងៃទី២០-២១ ខែសីហា ឆ្នាំ២០១៨ សម្រាប់ខេត្តព្រះសីហនុមានបេក្ខជនបេក្ខនារីមកចូលរួមប្រលងចំនួន១៧២០នាក់ ក្នុងនោះមានបេក្ខនារីចំនួន៨១៣នាក់ ។
លោក កែវ ឡាយ បានបន្តឲ្យដឹងទៀតថា សម្រាប់មណ្ឌលប្រឡងមាន០៥មណ្ឌល ប្រលងស្មើរ ៧២បន្ទប់ ក្នុងនោះមានមណ្ឌលប្រលងលើមុខវិជ្ជាវិទ្យាសាស្ត្រមាន០២មណ្ឌល និងមុខវិជ្ជាវិទ្យាសាស្ត្រសង្គម មាន០៣មណ្ឌល ។ ដោយឡែកទីតាំងមណ្ឌលសំណេរទាំង០៥មណ្ឌលខាងលើមានដូចខាងក្រោមជា នៅក្នុងក្រុង-ខេត្តព្រះសីហនុ មាន០៣មណ្ឌល គឺ១ មណ្ឌលសំណេរសាលាបឋមសិក្សាផ្សារលើ ។ ០២ មណ្ឌលសំណេរអនុវិទ្យាល័យសម្តេចឪ ។ ០៣ មណ្ឌលសំណេរវិទ្យាល័យក្រុងព្រះសីហនុ ។
នៅស្រុកព្រៃនប់មាន០២មណ្ឌល គឺ០៤ មណ្ឌលសំណេរវិទ្យាល័យហ៊ុនសែនខាងត្បូង និងមណ្ឌលសំណេរវិទ្យាល័យហ៊ុនសែនខាងជើង ។
បើតាមតួរលេខបេក្ខជន បេក្ខនារីមកចូលរួមប្រលងដែលទទួលបានពីលោក កែវ ឡាយប្រធានមន្ទីរអប់រំក្រុង-ខេត្តព្រះសីហនុបានបញ្ជាក់ថា ក្នុងឆ្នាំសិក្សា២០១៧- ២០១៨នេះ ចំនួនបេក្ខជនបេក្ខនារីមកចូលរួមប្រឡងមានការកើនឡើងពីឆ្នាំសិក្សា២០១៦ -២០១៧ កន្លងមកដែលបេក្ខជនបេក្ខនារីដែលមានឈ្មោះនៅក្នុងបញ្ជីប្រលងមានចំនួន១៦៩៣នាក់តែប៉ុណ្ណោះ ។ ហើយនៅក្នុងថ្ងៃកិច្ចដំណើរការនៃការប្រលងខាងលើនេះដែរត្រូវបានរឹតបន្តឹងដោយសមត្ថកិច្ចប្រដាប់អាវុធនៃស្នងការដ្ឋាននគរបាលខេត្ត និងសមត្ថកិច្ចនៃទីបញ្ជាការកងរាជអាវុធហត្ថខេត្ត និងមានអ្នកស្ម័គ្រចិត្តចូលរួមសង្កេតការណ៍មកពីអង្គភាពប្រឆាំងអំពើរពុករលួយ (អ.ប.ព )និស្សិតអាហារូបករណ៍យុវជនស្មគ្រ័ចិត្តសម្តេចតេជោ យុវជនស្ម័គ្រចិត្តសហភាពសហព័ន្ធ(ស.ស.យ.ក) បានចូលរួមសង្កេតការណ៍ ក្នុងការរឹតបន្តឹងឆែកឆេរមិនអនុញ្ញតិឲ្យបេក្ខជនបេក្ខនារីលួចលាក់នាំយកទូរស័ព្ទសំណេរសរសេរចូលនៅតាមមណ្ឌលប្រឡងនីមួយៗបានឡើយ ។
គួរបញ្ជាក់ឲ្យដឹងផងដែរថា នៅក្នុងសម័យប្រឡងខាងលើនេះឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុបានយកចិត្តទុកដាក់ជួយសម្រួលការស្នាក់នៅដល់បេក្ខជន បេក្ខនារី និងមាតាបិតា អាណាព្យាបាល ដែលមានកូនមកចូលរួមប្រលងមានលំនៅដ្ឋានឆ្ងាយពីមណ្ឌលប្រលងជាបន្ទុករបស់រដ្ឋបាលសាលាខេត្ត ក្នុងនោះមានដូចជា បេក្ខជន បេក្ខនារី មកពីស្រុកកំពង់សិលា កែវផុស និងបេក្ខជន បេក្ខនារី មកពីស្រុកស្ទឹងហាវដែលត្រូវសម្រាកតាមផ្ទះសំណាក់ ឬសណ្ឋារគារដែលនៅជិតមណ្ឌលប្រលងដែលត្រៀមរៀបចំទទួលដោយរដ្ឋបាលសាលាខេត្ត ។
នៅក្នុងថ្ងៃចាប់ផ្តើមនៃការប្រលងក៏មានវត្តមានលោកជំទាវ រដ្ឋលេខាធិការក្រសួងអប់រំ និងឯកឧត្តមយន្ត មីន អភិបាលនៃគណ:អភិបាលខេត្តតំណាងលោកប្រធានមន្ទីអប់រំ បានចូលរួមបើកវិញ្ញាសារប្រឡងនាថ្ងៃតដំបូងលើវិញ្ញាសារប្រឡងផែនដី និងបរិស្ថានវិទ្យា ប្រវត្តិវិទ្យា ។
ឯកឧត្តមអភិបាលខេត្តបានមានប្រសាសន៍នៅចំពោះមុខលោកប្រធានមណ្ឌលប្រឡង និងតំណាងប្រធានមន្ទីរអប់រំខេត្តព្រះសីហនុថា នៅពេលបិទប្រកាសជ័យលាភីលទ្ធផលប្រឡងចំពោះសិស្សជាបេក្ខជន បេក្ខនារីមកចូលរួមប្រឡងដែលទទួលបាននិទ្ទេស (A) ឯកឧត្តមអភិបាលខេត្ត និងផ្តល់រង្វាន់ជ័យលាភីលើកទឹកចិត្តម៉ូតូម៉ាកហុងដា C១២៥ សេរី ២០១៨ មួយគ្រឿង បន្ថែមលើរង្វន់ជ័យលាភីលើកទឹកចិត្តរបស់សម្តេចតេជោ ។
ចែករំលែកព័តមាននេះ